18.03.2026 | 18:25
Ախուրյանցի կնոջ խափանման միջոցը փոխվել է տնային կալանքով․ նրան վերագրվում է Փաշինյանի հասցեին բռնության կոչ պարունակող գրառում
Վրաստանում լրագրողների անվտանգությունը վատթարացել է
Քաղաքականություն
12.06.2023 | 20:20
Եվրոպայի խորհուրդը Վրաստանում լրագրողների պաշտպանության և անվտանգության մասին օրենսդրության և պրակտիկայի վերանայման վերաբերյալ փաստաթուղթ է հրապարակել:
«Ալիք մեդիա»-ի հաղորդմամբ՝ Եվրախորհրդի փորձագետ Պիտեր Նորլանդի պատրաստած զեկույցում նշվում է, որ 2019 թվականից ի վեր իրավիճակը զգալիորեն վատթարացել է, և իրավական դաշտը, որը թեև պարունակում է որոշ դրական տարրեր, բավարար չափով չի պաշտպանում լրագրողներին։
Հիմնական առաջարկությունը շահագրգիռ կողմերի մասնակցությամբ հանձնաժողովի ձևավորումն է, որը կնախագահի անկախ և հեղինակավոր անձը կամ բարձր քաղաքական համբավ ունեցող գործակալությունը/կազմակերպությունը, որը իրավասու կլինի կատարել հետազոտություն և մշակել լրագրողների անվտանգության ազգային գործողությունների ծրագիր, որի իրականացմանը հանձնառու է լինելու կառավարությունը։
Փաստաթղթում խորհուրդ է տրվում նաև բարձրաստիճան քաղաքական գործիչներին, ինչպես ազգային, այնպես էլ տեղական մակարդակով, միանշանակ դատապարտել ԶԼՄ-ների նկատմամբ բռնությունն ու ատելությունը՝ իրենք ևս զերծ մնալով մեդիայի դեմ հռետորաբանությունից:
Եվրոպայի խորհուրդը խորհուրդ է տալիս համակարգված հետաքննություն անցկացնել լրագրողների դեմ կատարված հանցագործությունների հետաքննության որակի վերաբերյալ՝ ԶԼՄ-ների ներկայացուցիչների և այլ շահագրգիռ կողմերի ներգրավմամբ, այնուհետև իրավապահ մարմինների համար մշակել հատուկ և մանրամասն հրահանգներ՝ լրագրողների նկատմամբ բռնության դեպքերը հետաքննելու համար:
