ՌԴ ՊՆ-ի նոր որոշումը․ չեչենական «Ախմատ»-ը պայմանագիր է կնքել ՊՆ-ի հետ, Պրիգոժինը հրաժարվում է ստորագրել

Մինչև հուլիսի 1-ը ռուսական բոլոր ոչ պետական ​​ռազմական կազմավորումները, այդ թվում՝ «Վագներ» խմբավորումը, պետք է պայմանագիր կնքեն ՌԴ Պաշտպանության նախարարության հետ։ Համապատասխան հրամանը հունիսի 10-ին ստորագրել է պաշտպանության նախարար Սերգեյ Շոյգուն, գրում է Euronews-ը։

Փաստաթղթի համաձայն՝ այս ամենն արվում է «ուժերի միացյալ խմբի կազմում կամավորական ջոկատների օգտագործման արդյունավետությունը բարձրացնելու համար», սակայն փորձագետները դա համարում են «Վագները» վերահսկողության տակ առնելու փորձ։ Խմբավորման հիմնադիր Եվգենի Պրիգոժինն արդեն ասել է, որ իր ընկերությունը ոչինչ չի ստորագրի ՊՆ-ի հետ։

Նշվում է, որ ցույց տալու համար, որ մյուս խմբորավորումները ենթարկվում են Շոյգուի հրամանին, ՌԴ ՊՆ-ն հայտարարել է, որ համաձայնագիր է կնքել չեչենական «Ախմատ» ջոկատի հետ։ Պրիգոժինն էլ իր հերթին հայտարարել է, որ «Վագներն» ինտերգրված է ընդհանուր  համակարգին, «իր գործողությունները համակարգում է գեներալների, ստորաբաժանումների ղեկավարների հետ և հանդիսանում է բարձր արդյունավետությամբ կառույց»։

«Ցավոք, ստորաբաժանումների մեծ մասը չունի նման արդյունավետություն, և հենց այն պատճառով, որ Շոյգուն չի կարող նորմալ կառավարել ռազմական կազմավորումները»,- հայտարարել է Պրիգոժինը։

Հավելենք, որ Պրիգոժինն ու Շոյգուն լարված հարաբերություններ ունեն․ «Վագների» ղեկավարը պարբերաբար քննադատում է պաշտպանական գերատեսչության ղեկավարին։

Էմմա Չոբանյան