08.10.2026 | 17:35
Եվրախորհրդարանում կոչ են արել փակել ԵՄ տարածքում գործող բոլոր «Ռուսական տները»
Ալիևի մտերիմ Սինան Օղանն Էրդողանին կուղեկցի Ադրբեջան այցի ընթացքում
Քաղաքականություն
12.06.2023 | 15:13
Թուրքիայի նախագահ Ռեջեփ Թայիփ Էրդողանը նախագահի պաշտոնում վերըընտրվելուց հետո վաղը՝ հունիսի 13-ին այցելելու է Ադրբեջան, որտեղ հանդիպելու է նախագահ Իլհամ Ալիևին։ Նշվում է, որ կողմերը քննարկելու են Անկարա-Բաքու համագործակցության ընդլայնման և Կովկասում խաղաղության ու կայունության հարցերը։
Թուրքական իշխանամետ Yeni Safak-ը հայտնում է, որ Թուրքիայի ընտրությունների առաջին փուլում նախագահի թեկնածու Սինան Օղանը, որը երկրորդ փուլում աջակցում էր Էրդողանին, ուղեկցելու է վերջինին Բաքու այցի ընթացքում։ Օղանը մասնակցելու է երկու երկրների պատվիրակությունների հանդիպումներին։
Սինան Օղանը ծնվել է Իգդիրում՝ ադրբեջանցիների ընտանիքում։ Նա սովորել է Մոսկվայի պետական համալսարանում, տիրապետում է ռուսերենին և անգլերենին, աշխատել է Թուրքիայի և Ադրբեջանի մի շարք համալսարաններում։ Օղանը կապեր ունի և՛ ՌԴ-ի, և՛ Ադրբեջանի հետ։ Նա նաև եղել է Թուրքիայի համագործակցության և համակարգման գործակալության (TIKA) ներկայացուցիչը Բաքվում, որտեղ նախագահ Իլհամ Ալիևի կողմից պարգևատրվել է պետական մեդալով։
Թուրքական լրատվամիջոցները նախընտրական արշավի ընթացքում հայտնել էին, որ Ադրբեջանի նախագահ Իլհամ Ալիևը զանգահարել է Օղանին՝ միջնորդելով նախագահական ընտրությունների երկրորդ փուլում աջակցել Ռեջեփ Թայիփ Էրդողանին։ Ավելի ուշ Օղանը հարցազրույցում հերքել է այս տեղեկությունը։
Էմմա Չոբանյան
