15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Գերմանիայում մեկնարկել են ՆԱՏՕ-ի պատմության ամենամասշտաբային ռազմաօդային զորավարժությունները
Քաղաքականություն
12.06.2023 | 14:23
Գերմանիայում այսօր մեկնարկել են ՆԱՏՕ-ի ամենամեծ օդային զորավարժությունները։ Գերմանիայի կողմից համակարգվող օդային զորավարժությունների շարքը նպատակ ունի ցույց տալ ուկրաինական պատերազմի ֆոնին արևմտյան ռազմական դաշինքի ուժն ու միասնությունը, հաղորդում է Euronews-ը։
«Air Defender 23» զորավարժությունները տևելու են մինչև հունիսի 23-ը։ Դրանց մասնակցում են ՆԱՏՕ-ի 25 անդամ և գործընկեր պետությունների մոտ 250 ռազմական ինքնաթիռներ, այդ թվում՝ Ճապոնիան և Շվեդիան։
Զորավարժություններին կմասնակցի մինչև 10 հազար մարդ, որոնք նախատեսված են ՆԱՏՕ-ի տարածքում գտնվող քաղաքների, օդանավակայանների կամ նավահանգիստների վրա հարձակման դեպքում անօդաչու թռչող սարքերից ու թևավոր հրթիռներից պաշտպանվելու և փոխգործունակության ամրապնդման համար:
Գերմանիայի ռազմաօդային ուժերի բանակի գեներալ Ինգո Գերհարցն ասել է, որ ՆԱՏՕ-ն վճռական է պաշտպանել իր տարածքի «ամեն սանտիմետրը» և նշել, որ որևէ թռիչք չի լինելու ՌԴ Կալինինգրադի ուղղությամբ։
Այնուամենայնիվ, ըստ Գերմանիայում ԱՄՆ դեսպան Ամի Գուտմանի, զորավարժությունները նաև նպատակ ունեն Ռուսաստանին ուղերձ հղել։
Էմմա Չոբանյան
