15.12.2025 | 15:31
Արարատի մարզի որոշ շրջաններում 24 ժամ ջուր չի լինի
Ղազախստանում անտառային հրդեհները 14 մարդու կյանք են խլել․ երկրում համազգային սուգ է հայտարարվել
Քաղաքականություն
12.06.2023 | 14:03
Ղազախստանի Աբայի շրջանում շարունակվում են խոշոր անտառային հրդեհները, թանձր ծուխը ծածկել է հարևան Ժետիսուի շրջանները՝ քամու ուղղության փոփոխության պատճառով, հաղորդում է Currenttime TV-ն։
Հրդեհը սկսվել է հունիսի 8-ին Սեմեյ-Օրմանի պետական անտառային բնական արգելոցում, հրդեհաշիջման ժամանակ 14 անտառապահ է զոհվել։
Ղազախստանի նախագահ Կասիմ Ժոմարտ Տոկաևը հրամանագիր է ստորագրել զոհվածներին մեդալներով պարգևատրելու մասին։ Հունիսի 12-ը երկրում սգո օր է հայտարարվել։
ԱԻՆ ղեկավար Սարիմ Շաիպխանովը հայտարարել է, որ իրավիճակը կայուն է և վերահսկելի, սակայն ջերմաստիճանի բարձրացման և բուռն քամու պատճառով հրդեհի հետագա տարածման վտանգ կա։
«Այն տեղայնացնելու համար մենք ստեղծել ենք բավարար խմբավորումներ։ Շուրջ 1,5 հազար անձնակազմ՝ հրշեջներ, անտառային պահպանության, պաշտպանության և ՆԳ նախարարության աշխատակիցներ։ Նաև աշխատում է շուրջ 300 միավոր տեխնիկա և 12 ուղղաթիռ»,- ասել է նա։
Նախարարի խոսքով՝ հրդեհի տարածքը գնալով փոքրանում է և այժմ կազմում է մոտ 43 հազար հեկտար։
Էմմա Չոբանյան
