Քաղաքականություն
12.06.2023 | 13:35
Իսպանիան և Լեհաստանը հայտնել են Կիպրոսի Հանրապետությանը, որ անհապաղ դուրս են գալիս Թուրքիայում անցկացվող «Phoenix of Anatolia 2023» զորավարժություններից՝ Կիպրոսի ԱԳՆ-ի կողմից բոլոր մակարդակներում համաձայնեցված հայտարարություններից հետո, գրում է Greek city times-ը։
Նշենք, որ Թուքիայում անցկացվող այս զորավարժություններին մասնակցում է նաև Հյուսիսային Կիպրոսը, որը ճանաչվել է միայն Անկարայի կողմից։
Կիպրոսի Հանրապետության ԱԳՆ-ն ընդգծել է, որ Թուրքիան միակողմանիորեն փորձում է «օկուպացված տարածքներում անօրինական անջատված կազմավորմանն ընդգրկել այս զորավարժություններին»։ Սա լուրջ մտահոգություններ է առաջացրել և դրդել է Կիպրոսին անհապաղ քայլեր ձեռնարկել:
Թուրքիայի Պաշտպանության նախարարությունը հրապարակել էր առաջիկա զորավարժությունները գովազդող տեսանյութ, որում ասվում է, որ զորավարժություններին մասնակցելու համար Ադրբեջանի, Իսպանիայի, Կատարի և Լեհաստանի ուժերը կմիանան թուրքական և կիպրական թուրքական ստորաբաժանումներին: Սակայն, ըստ հաղորդումների, պարզվել է, որ Իսպանիան և Լեհաստանը տեղյակ չեն եղել չճանաչված Հյուսիսային Կիպրոսի մասնակցության մասին և հետագայում հրաժարվել են վարժանքներին մասնակցությունից։
Էմմա Չոբանյան
