10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
«Ինձ ոչ մեկ չի կարա ահաբեկի». Ալիկ Սարգսյանը դիմել է ՀՔԾ
04.07.2018 | 18:27
Ոմն նախկին պաշտոնյա փորձում է գումար շորթել ՀՀ նախկին ոստիկանապետ, ՀՀԿ պատգամավոր Ալիկ Սարգսյանից, ինչի առթիվ նա հանցագործության մասին հաղորդում է ներկայացրել ՀՔԾ:
Թե ով է այդ պաշտոնյան, Ալիկ Սարգսյանը չի բացահայտում: Սպասում է քննության ընթացքին: «Դիմում եմ ներկայացրել, հանցագործության մասին հաղորդում եմ ներկայացրել, ընթացք կտրվի»,- մեզ հետ զրույցում ասաց Ալիկ Սարգսյանը՝ հրաժարվելով նշել նախկին պաշտոնյայի անունը:
Մեր հարցին, թե նշանակում է՝ իրեն փորձել են ահաբեկե՞լ, Ալիկ Սարգսյանը պատասխանեց. «Ինձ ոչ մեկ չի կարա ահաբեկի: Կարող է մեծ ցանկություն ունենան շորթելու, բայց ահաբեկել չեն կարա»:
Ալիկ Սարգսյանը նաև չի բացահայտում, թե ինչ գումարի մասին է խոսքը: «Ամեն սուտ բան տարածողը պետք է պատասխան տա»,- հայտարարեց նա:
Մարինե Խառատյան
