26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
ՄՕՀՋ նախագահը հայտնում է՝ Նախիջևանում կանխատեսվող պատերազմի մասին միջնորդների միջոցով բանակցել են Կառավարության հետ, որտեղից ասել են՝ դեռևս ժամանակ չունեն․ ՏԵՍԱՆՅՈՒԹ
Տեսանյութեր
04.07.2018 | 20:11
ՄՕՀՋ նախագահ Խորեն Կարապետյանի համոզմամբ՝ արդեն տևական ժամանակ է՝ հակառակորդը Նախիջևանի հատվածում պատրաստվում է պատերազմական գործողություններ իրականացնել։ Այս մասին այսօր լրագրողների հետ զրույցում ասաց նա՝ նշելով, որ, ըստ իրենց կազմակերպության տեղեկությունների, լինելու է լուրջ հարձակում, իսկ հակառակորդը սկսելու է պատերազմ երկու ուղղություններով:
«Եթե լինի միայն Ղարաբաղի կողմից, մենք կկարողանայինք որոշակիորեն դիմակայեինք, իսկ եթե բացվի երկրորդ ճակատը, մենք շատ ծանր իրավիճակի մեջ կհայտնվենք։ Ամեն օր ստացված տեղեկատվության համաձայն՝ Նախիջևանում տեղակայվում է 90 տոկոսով թուրքական զորք, մոջահեթներ են այնտեղ գնում, կուտակվում են մեծ քանակությամբ իսլամական ահաբեկիչներ, իսկ այդ կուտակումները հենց այնպես տեղի չեն ունենում»,- ասաց նա՝ նշելով, որ հակառակորդի հրամկազմի համար որպես տարբերակ դիտարկվում է երկու կողմից հարձրակումն՝ անկախ նրանից՝ կհասնեն իրենց նպատակին, թե ոչ։
ՄՕՀՋ նախագահը նշեց, որ այս վերջին երկու շաբաթվա ընթացքում Կառավարությանն առաջարկություններ են ներկայացրեց․ «Քանի որ մինչև այս վերջին երկու շաբաթը Կառավարությանն առաջարկվել է ծրագիր զինպայմանագային համալրման և վերապատրաստման խնդիրը բարձրացնելու համար, բանակցեցինք որոշակիորեն Կառավարությունում, քանի որ բոլորը միջնորդների միջոցով է տեղի ունենում, ասել են՝ դեռևս ժամանակ չունենք»։
Մանրամասները՝ տեսանյութում:
