02.03.2026 | 17:19
Ֆրանսիսկո Ֆիլիո․ Հիանալի տպավորություններով եմ հեռանում Հայաստանից
Մակեդոնիայում ցուցարարները գրոհով գրավել են խորհրդարանի շենքը
Քաղաքականություն
28.04.2017 | 14:47
Մակեդոնիայի մայրաքաղաք Սկոպյեում հարյուրավոր ցուցարարներ գրոհով գրավել են խորհրդարանի շենքը: Նախկին վարչապետ Նիկոլա Գրուևսկու կողմնակիցները ներխուժել են շենք այն բանից հետո, երբ իշխող կոալիցիան խորհրդարանի խոսնակ է ընտրել ալբանացի Թալաթ Հաֆերիին. հաղորդում է DW-ին:
Ցուցարարները նոր խորհրդարանական ընտրություններ պահանջել:
Նշվում է, որ գրոհի ընթացքում մի քանի պատգամավոր է տուժել: Ոստիկանությունը դուրս է մղել ցուցարարներին խորհրդարանի շենքից՝ պատգամավորներին տարհանելու համար:
Հիշեցնենք, որ Մակեդոնիայում քաղաքական ճգնաժամը սրվել էր 2016 թվականի դեկտեմբերին, երբ խորհրդարանում ընտրություններում հաղթեց նախկին վարչապետ Գրուևսկու ազգային-պահպանողական կուսակցությունը, բայց պահպանողականները չկարողացան կոալացիա ձևավորել:
Մինչդեռ խորհրդարանում 49 տեղ ստացած սոցիալ-դեմոկրատների առաջնորդ Զաևին հաջողվեց ալբանական փոքրամասնության շահերը ներկայացնող երեք կուսակցության աջակցությունը ստանալ՝ էթնիկ ալբանացիների իրավունքներն ընդլայնելու պահանջի հետ համաձայնության դիմաց: Նա նաև խոստացել է ալբաներենին երկրորդ պետական լեզվի կարգավիճակ տալ:
