26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Բայրամովը Կլաարի հետ քննարկել է Հայաստանի հետ հարաբերությունների կարգավորման ներկա գործընթացը
Քաղաքականություն
09.06.2023 | 18:23
Ադրբեջանի ԱԳ նախարար Ջեյհուն Բայրամովը հանդիպել է Հարավային Կովկասի և Վրաստանում ճգնաժամի հարցերով Եվրամիության հատուկ ներկայացուցիչ Տովիո Կլաարի հետ, գրում են ադրբեջանական լրատվամիջոցները։
«Բաքվում կայացած հանդիպման ընթացքում կողմերը մտքեր են փոխանակել Ադրբեջանի և Հայաստանի միջև հարաբերությունների կարգավորման գործընթացի, միջազգային գործընկերների, այդ թվում՝ Եվրամիության միջնորդությամբ բանակցությունների ներկա վիճակի և տարածաշրջանային անվտանգության հարցերի շուրջ»,- ասվում է Ադրբեջանի ԱԳՆ հայտարարության մեջ։
Բայրամովը ևս մեկ անգամ ուշադրություն է հրավիրել խաղաղ համաձայնագրի շուրջ ստեղծված իրավիճակին, տարածաշրջանային տրանսպորտային հաղորդակցությունների բացման քննարկումներին, ինչպես նաև սահմանների սահմանազատման հարցում ադրբեջանական կողմի դիրքորոշմանը։
Կլաարն իր հերթին ԵՄ-ի աջակցությունն է հայտնել «Հայաստանի և Ադրբեջանի միջև կարգավորման գործընթացին ու հայտարարել, որ Բրյուսելը ջանք չի խնայի այս ուղղությամբ շարունակելու երկու երկրների ղեկավարների միջև ապագայում շփումները»։
Հիշեցնենք, որ ավելի վաղ Տոյվո Կլաարը բանակցություններ էր անցկացրել Երևանում։
Էմմա Չոբանյան
