16.01.2026 | 10:47
ԱԺ պաշտպանության և անվտանգության հարցերի հանձնաժողովի նիստը. ՈՒՂԻՂ
Պուտինն այսօր Սոչիում կհանդիպի Նիկոլ Փաշինյանին
Քաղաքականություն
09.06.2023 | 13:11
ՌԴ նախագահ Վլադիմիր Պուտինն այսօր Սոչիում հանդիպում կանցկացնի ՀՀ վարչապետ Նիկոլ Փաշինյանի հետ, նա կհանդիպի նաև ԱՊՀ ու ԵՏՄ արտասահմանյան պատվիրակությունների ղեկավարներին։ Բացի այդ, Պուտինը ծրագրում է զրույց ունենալ Բելառուսի նախագահ Ալեքսանդր Լուկաշենկոյի հետ ու այցելել մարտարվեստի ակադեմիա։ Այս մասին լրագրողների հետ զրույցում ասել է Կրեմլի խոսնակ Դմիտրի Պեսկովը, գրում է ՌԻԱ Նովոստին։
«Պուտինն այսօր Սոչիում է, աշխատանքային օրվա հանրային մասը կսկսի Բելառուսի նախագահ Ալեքսանդր Լուկաշենկոյի հետ ոչ պաշտոնական զրույցով, որը տեղի կունենա Բոչարով Ռուչեյի նստավայրում»,- լրագրողներին ասել է Պեսկովը։
Նա նշել է, որ այնուհետև Պուտինը կհանդիպի օտարերկրյա պատվիրակությունների ղեկավարների հետ, որոնք մասնակցում են Եվրասիական միջկառավարական խորհրդի և ԱՊՀ կառավարությունների ղեկավարների խորհրդի նիստերին։
«Կլինեն և՛ Պուտինի, և՛ Միշուստինի ելույթները։ Ելույթներ կունենան նաև օտարերկրյա պատվիրակությունների ղեկավարները։ Այնուհետև Պուտինն առանձին աշխատանքային հանդիպում կունենա ՀՀ վարչապետ Նիկոլ Փաշինյանի հետ»,- նշել է Պեսկովը։
Հանդիպման մասին տեղեկությունը Factor TV-ին հաստատեցին նաև ՀՀ Կառավարությունից, սակայն օրակարգի մասին մանրամասներ չհայտնեցին։
Հիշեցնենք՝ Փաշինյան-Պուտին հանդիպում տեղի էր ունեցել նաև մայիսի 25-ին։
Էմմա Չոբանյան
