12.10.2026 | 11:22
ԻՀՊԿ-ն հայտարարել է, որ Հորմուզի նեղուցում ականին բախվելու հետևանքով նավթային լցանավ է շհրդեհվել
«Ամենավատթար հատկանիշներով օժտված մարդիկ հատուկ ընտրվել ու նշանակվել են պաշտոնական բուրգի գագաթին»․Նարինե Դիլբարյան․ ՏԵՍԱՆՅՈՒԹ
Քաղաքականություն
04.07.2018 | 17:09
Լեզվաբան Նարինե Դիլբարյանի համոզմամբ՝ Մանվել Գրիգորյանի շուրջ կատարվողը պետք է դիտարկել որպես ընդհանրական երևույթ, քանի որ խոսքը գնում է, առհասարակ, «մանվելականություն» երևույթի մասին:
Ըստ լեզվաբանի՝ հայ հասարակությունը տարիներ շարունակ ապրել է այն մտահոգությամբ՝ արդյոք իր կողմից պետությանը տրված գումարը կհասնի իր նպատակին, իսկ այդ մտահոգությունն ավելի սրվեց, երբ երեկ հայտնի դարձավ, որ ձերբակալվել է Հայաստան Համահայկական հիմադրամի տնօրեն Արա Վարդանյանը:
«Մենք այսօր պարզում ենք, որ այդպիսի հիմնադրամը ղեկավարվել է խաղամոլի կողմից և, ես կարծում եմ, որ դրա մասին այնպես չէ, որ իմացել են երեկ կամ նախորդ օրը։ Այդ մարդու, ինչպես նաև մնացածի գործունեության մասին բոլորին վաղուց հայտնի է եղել։ Ինձ համար սարսափելի է, որ պարզվում է, որ հայոց պետականության պաշտոնակարգության բուրգում տեղ են գտել տարբեր ախտաբանական հակումներ ունեցող անձինք»,- ասաց նա։
Նարինե Դիլբարյանը նշեց, որ բոլոր տվյալներն իրավապահ մարմիններն ունեցել են, բոլորի համար եղել են հատուկ թղթապանակներ, իսկ հիմա, երր Աղվան Հովսեփյանը հեռացել է, Հատուկ քննչական ծառայությունը սկսել է իրեն ավելի ազատ զգալ։
«Ամենավատթար հատկանիշներով օժտված մարդիկ հատուկ ընտրվել ու նշանակվել են պաշտոնական բուրգի գագաթին»,- ասաց Նարինե Դիլբարյանը։
Մանրամասները՝ տեսանյութում։
