25.02.2026 | 21:42
Ադրբեջանի կառավարական աղբյուրները պնդում են, թե Վաշինգտոնում Ալիևի դեմ բողոքի ցույցերի հետևում կանգնած է Ռուսաստանը
Մեծ Բրիտանիայում արհեստական բանականությանը նվիրված առաջին համաշխարհային գագաթնաժողովը կանցկացվի
Քաղաքականություն
08.06.2023 | 23:04
Մեծ Բրիտանիայում 2023 թվականի աշնանը տեղի կունենա Արհեստական բանականության (AI) տեխնոլոգիայի անվտանգությանն և կարգավորմանը նվիրված առաջին գլոբալ գագաթնաժողովը։ Այս մասին հայտարարել է Մեծ Բրիտանիայի վարչապետ Ռիշի Սունակը ԱՄՆ այցի ընթացքում, գրում է DW-ի ռուսական ծառայությունը։
Գագաթնաժողովի գլխավոր թեման լինելու է արհեստական բանականության մշակումն ու ներդրումն «անվտանգ ու պատասխանատու» կերպով։
«AI-ն անհավանական ներուժ ունի՝ փոխելու մեր կյանքը դեպի լավը: Բայց մենք պետք է համոզվենք, որ այն կմշակվի և կօգտագործվի անվտանգ ու ապահով ձևով: Ոչ մի երկիր չի կարող դա անել միայնակ: Դա կպահանջի գլոբալ ջանքեր»,- ասել է Սունակը՝ նշելով, որ արհեստական բանականության մշակմամբ Բրիտանիան երրորդ տեղում է՝ ԱՄՆ-ից և Չինաստանից հետո։
Սպասվում է, որ աշնանային գագաթնաժողովը կհավաքի «համախոհ երկրների» ներկայացուցիչներին՝ կարգավորման հիմքերը դնելու համար։ Հուլիսին էլ Բրիտանիայի ԱԳ նախարարը մտադիր է ՄԱԿ-ի ԱԽ-ում այս թեմայով առաջին նիստը նախաձեռնել։
Էմմա Չոբանյան
