16.05.2026 | 16:04
Պարեկները հանրապետության տարբեր հատվածներում ատրճանակներ են հայտնաբերել
Սոչիում մեկնարկել է ԱՊՀ երկրների կառավարությունների ղեկավարների խորհրդի նեղ կազմով նիստը
Քաղաքականություն
08.06.2023 | 14:06
Սոչիում մեկնարկել է ԱՊՀ երկրների կառավարությունների ղեկավարների խորհրդի նեղ կազմով նիստը՝ Ղրղզստանի Նախարարների կաբինետի ղեկավար Ակիլբեկ Ժապարովի նախագահությամբ, գրում է kabar.kg-ն։
Նշվում է, որ դիմավորման արարողությունից և լուսանկարվելուց հետո պատվիրակությունների ղեկավարները գնացել են նիստերի դահլիճ՝ նեղ ձևաչափով հանդիպման։
Ժապարովը ողջույնի խոսքում շնորհակալություն է հայտնել ՌԴ վարչապետ Միխայիլ Միշուստինին և ԱՊՀ գործադիր կոմիտեին՝ միջոցառումն ամենաբարձր մակարդակով կազմակերպելու համար և նշել, որ սա 2023 թվականի առաջին հանդիպումն է Ղրղզստանի նախագահությամբ։
Ավելի վաղ ԱՊՀ գլխավոր քարտուղար Սերգեյ Լեբեդևը նշել էր, որ նիստի մասնակիցները մտքեր են փոխանակելու հետագա համագործակցության հարցերի շուրջ, ինչպես նաև քննարկվելու է 16 փաստաթուղթ, այդ թվում՝ ԱՊՀ-ում ծառայությունների ազատ առևտրի վերաբերյալ, որոնք ներկայացվելու են ստորագրման։
Հավելենք, որ ՀՀ վարչապետ Նիկոլ Փաշինյանը նույնպես մասնակցում է նիստին։
Էմմա Չոբանյան
