15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Դնեպրի ձախ ափին հարյուրավոր մարդիկ մնացել են տների տանիքներին
Քաղաքականություն
08.06.2023 | 11:33
Դնեպրի ձախ ափին գտնվող՝ Ռուսաստանի կողմից օկուպացված բնակավայրերում հարյուրավոր տեղացիներ մնացել են տանիքներին և ձեղնահարկերում։ Այս մասին հայտնում են մի քանի ռուսական անկախ հրատարակություններ՝ վկայակոչելով կամավորներին և տեղական առցանց լրատվամիջոցներին, փոխանցում է BBC-ի ռուսական ծառայությունը։ «Կախովկա» ՀԷԿ-ի ամբարտակի քանդման հետևանքով հեղեղված որոշ տարածքներում ջրի մակարդակը շարունակում է բարձրանալ։
«Агентство. Новости» տելեգրամ ալիքը գրում է, որ կամավորները Դնեպրի ձախ ափին գտնվող բնակավայրերից ստացել են ավելի քան 650 դիմում՝ տների տանիքներից և ձեղնահարկերից մարդկանց իջեցնելու համար։ Կամավորներից Եկատերինան պատմել է, որ դժվար է ասել, թե կոնկրետ քանի մարդ է նստած հեղեղված տների տանիքներին և սպասում տարհանման, բայց միայն Ալյոշկա բնակավայրում, ըստ նրա, կան հարյուրավոր մարդիկ։
Լրատվամիջոցների զրուցակիցները դժգոհել են, որ Ռուսաստանի օկուպացիոն իշխանությունները ակտիվորեն չեն տարհանում ջրհեղեղի գոտում գտնվող բնակավայրերի բնակիչներին, երբեմն նույնիսկ խոչընդոտում են տարհանմանը` թույլ չտալով նավակներին ջրհեղեղի գոտի մտնել։ Այնինչ, իշխանությունները պնդում են, թե անում են անհրաժեշտ կամ առնվազն հնարավոր ամեն ինչ, և 4000 մարդ արդեն տարհանվել է ջրհեղեղի գոտուց։
Հիշեցնենք, որ «Կախովկա» ՀԷԿ-ում, որն արդեն մեկ տարուց ավելի վերահսկում են ռուս զինվորականները, հունիսի 6-ի առավոտյան պայթյունից հետո անվերահսկելի արտահոսք է տեղի ունենում։ Ջուրը հեղեղել է բազմաթիվ բնակավայրեր։ Կիևը հայտարարել է, որ ռուսական զորքերն են պայթեցրել ՀԷԿ-ի ամբարտակը։ ՌԴ-ն հերքում է՝ փոխարենը տեղի ունեցածի համար մեղադրելով ուկրաինական կողմին։
