07.10.2026 | 23:48
Արթուր Դանիելյանը կալանավորվեց
ՀՀ-Ադրբեջան ինտենսիվ բանակցություններին Գերմանիան և Ֆրանսիան կշարունակեն մասնակցել. Միխայել Ռոթ․ ՏԵՍԱՆՅՈՒԹ
Քաղաքականություն
07.06.2023 | 18:23
Հայաստանի և Ադրբեջանի միջև բանակցությունները կշարունակվեն ամենատարբեր ձևաչափերով՝ նաև ԵՄ-ի, Ֆրանսիայի ու Գերմանիայի մասնակցությամբ և ընդգրկմամբ: Այս մասին այսօր Երևանում կայացած մամուլի ասուլիսի ժամանակ նշեց նշեց Գերմանիայի Բունդեսթագի արտաքին հարաբերությունների հանձնաժողովի նախագահ Միխայել Ռոթը:
«Առաջիկայում Վաշինգտոնում տեղի կունենան ինտենսիվ բանակցություններ: Այդ բանակցությունները կշարունակվեն ամենատարբեր ձևաչափերով նաև ԵՄ-ի, Ֆրանսիայի ու Գերմանիայի մասնակցությամբ և ընդգրկմամբ»,-ասաց Ռոթը:
Անդրադառնալով վերջերս Քիշնևում կայացած հնգակողմ հանդիպմանը Գերմանիայի կանցլեր Օլաֆ Շոլցի մասնակցության վերաբերյալ հարցին՝ նա ասաց, որ գլխավոր դերակատարը ԵՄ-ն է, ամբողջ գործավարությունն իրականացնում է Եվրամիությունը՝ հանձինս ԵԽ նախագահ Շառլ Միշելի:
«Մենք՝ որպես միջին մեծության երկու եվրոպական երկրներ, պարզապես մաս ենք կազմում Եվրամիության այդ մեծ հանձնառությանը: Եվ կուզենայինք մեր համեստ նպաստը բերել խաղաղության գործընթացին»,-ասաց գերմանացի խորհրդարանականը։
Մանրամասները՝ տեսանյութում։
