03.10.2026 | 17:56
Վարորդը ծխեց դպրոցական ավտոբուսում՝ կազատվի, սա կարմիր գիծ ա. Փաշինյան. ՏԵՍԱՆՅՈւԹ
ԼՂ հայերի անվտանգ ապրելու իրավունքը կարգավորման գործընթացում կենտրոնական դեր պիտի ունենա. Ռոթ
Քաղաքականություն
07.06.2023 | 18:13
ԼՂ հայերի անվտանգ ապրելու իրավունքը կարևոր նշանակություն ունի: Այս մասին այսօր Երևանում կայացած մամուլի ասուլիսի ժամանակ նշեց Գերմանիայի Բունդեսթագի արտաքին հարաբերությունների հանձնաժողովի նախագահ Միխայել Ռոթը:
«Եթե մենք դիտարկում ենք տևական խաղաղության հասնելու երկուստեք ջանքերը, այս հարցը պետք է կենտրոնական նշանակություն ունենա բանակցություններում: Մենք մեծապես գնահատում ենք ԼՂ հայերի անվտնգ ապրելու իրավունքը և համարում ենք, որ սա կենտրոնական բաղադրիչը պետք է լինի տևական խաղաղության շուրջ բանակցություններում»,- նշեց գերմանացի խորհրդարանականը։
Անդրադառնալով հարցին, թե ի՞նչ մեխանիզմով է հնարավոր դա ապահովել, արդյոք կարիքը չկա Ադրբեջանի նկատմամբ պատժամիջոցներ կիրառելու, Ռոթը պատասխանեց. «Առաջին հերթին որպես զսպման մեխանիզմ պետք է դիտարկենք ադրբեջանական կողմի կամքն ու պատրաստակամությունը, բայց ես չէի ցանկանա գլխավոր բանակցողներից առաջ ընկնել և ասել, թե ինչպես պետք է հասնել ադրբեջանական կողմում ձևավորվող կամքին ու պատրաստակամությանը»:
Մանրամասները՝ տեսանյութում։
