Քաղաքականություն
06.06.2023 | 18:51
Ադրբեջանի ԱԳ նախարար Ջեյհուն Բայրամովը ԵԱՀԿ պետությունների մշտական ներկայացուցիչների հետ քննարկել է Բաքվի և Երևանի հարաբերությունները։
«Ադրբեջանի արտաքին գործերի նախարար Բայրամովը մասնակցել է Հյուսիսային Մակեդոնիայի նախագահության կողմից կազմակերպված ԵԱՀԿ-ում մասնակից պետությունների մշտական ներկայացուցիչների հետ կլոր սեղանին։ Բեղմնավոր քննարկումներ են ծավալվել ԵԱՀԿ-ի համագործակցության օրակարգի և հետկոնֆլիկտային շրջանում ադրբեջանա-հայկական հարաբերությունների շուրջ»,- ասվում է Ադրբեջանի ԱԳՆ հայտարարության մեջ։
Բայրամովն աշխատանքային այցով Ավստրիայում է՝ մասնակցելու ԵԱՀԿ Մշտական խորհրդի արտահերթ նիստին։ Սպասվում են նաև երկկողմ մի շարք հանդիպումներ։
Էմմա Չոբանյան
