Քաղաքականություն
06.06.2023 | 15:42
Իրանի Իսլամական հեղափոխության պահապանների կորպուսը (ԻՀՊԿ) ներկայացրել է սեփական արտադրության «Ֆաթթահ» առաջին հիպերձայնային հրթիռը, փոխանցում է IRNA գործակալությունը։
Իրանի նախագահ Էբրահիմ Ռաիսին մասնակցել է այսօր առավոտյան տեղի ունեցած հրթիռի ներկայացման արարողությանը։ Նշվում է, որ հրթիռը ԻՀՊԿ-ի օդատիեզերական ուժերին վերջին ձեռքբերումն է։
Հաղորդվում է, որ մարտավարական մեծ հնարավորությունների շնորհիվ «Ֆաթթահը» կարող է թռչել շատ մեծ արագությամբ և կատարել տարբեր առաջադրանքներ երկրի մթնոլորտում և դրանից դուրս: Այն ունի 1400 կմ հեռահարություն:
Լրատվամիջոցը նշում է, որ մի քանի երկրներ, այդ թվում՝ ԱՄՆ-ը, Չինաստանը, Ռուսաստանն ու Հյուսիսային Կորեան, յուրացրել են հիպերձայնային հրթիռների արտադրության տեխնոլոգիան։
Էմմա Չոբանյան
