08.10.2026 | 22:10
Հայաստանի մի շարք հասցեներում էլեկտրաէներգիայի անջատումներ կլինեն
Հայտնի են վոլեյբոլի Մ14 տարեկան տղաների և աղջիկների առաջնության հաղթողները
06.06.2023 | 13:19
Աշտարակ քաղաքի «Սևան» մարզական ընկերության մարզադահլիճում ՀՀ ԿԳՄՍ նախարարության աջակցությամբ օրերս կայացել է վոլեյբոլի Մ14 տարեկան տղաների և աղջիկների 2023 թվականի ՀՀ առաջնությունը․ տեղեկացնում են ՀՀ ԿԳՄՍՆ-ից։
Առաջնությանը մասնակցել են տղաների 13 և աղջիկների 9 թիմեր. քառօրյա պայքարում թիմերը հանդես են եկել ենթախմբերում, որից հետո կայացել են կիսաեզրափակիչ և եզրափակիչ հանդիպումները:
Աղջիկների պայքարում առաջնության հաղթողի կոչումը նվաճել է Երևանի ԽՄՕՄՄ (Խաղային մարզաձևերի օլիմպիական մանկապատանեկան մարզադպրոց) թիմը, երկրորդ տեղ զբաղեցրել է Աշտարակի թիմը, իսկ լավագույն եռյակը եզրափակել է ՀՄՄԴ (Հանդբոլի և այլ մարզաձևերի մարզադպրոց) թիմը:
Տղաների պայքարում առաջնության հաղթող է դարձել Սիսիանի թիմը, երկրորդ տեղ գրավել է Արաբկիր, իսկ երրորդ տեղը՝ Նոր-Նորք թիմերը:
Մրցանակային տեղեր զբաղեցրած թիմերը պարգևատրվել են ՀՀ ԿԳՄՍՆ և ՀՎՖ պատվոգրերով, մեդալներով, գավաթներով, իսկ լավագույն մարզիկները՝ մրցանակներով:
Առաջնության ընթացքում «Վոլեյբոլը Դպրոցում» զարգացման ծրագրի շրջանակում անցկացվել է նաև վերապատրաստման սեմինար՝ մարզի դպրոցների ֆիզկուլտուրայի ուսուցիչների և մարզիչների համար:
