08.04.2026 | 15:20
Ալիևը Ղազախստանի նախարարների հետ Հայաստան-Ադրբեջան կարգավորումն ու TRIPP-ն է քննարկել
Ադրբեջանը մասնակցել է ՆԱՏՕ-ի էներգետիկ անվտանգության հարցերով ռազմական կոմիտեի նիստին
Քաղաքականություն
06.06.2023 | 15:54
Բրյուսելում ՆԱՏՕ-ի կենտրոնակայանում դաշինքի բարձրագույն ռազմական կառույցի՝ Ռազմական կոմիտեի շրջանակում առաջին անգամ ընդլայնված կազմով հանդիպում է տեղի ունեցել էներգետիկ անվտանգության գործընկերների հետ, որին մասնակցել է Ադրբեջանը։ Այս մասին հայտնում են ադրբեջանական լրատվամիջոցները՝ վկայակոչելով ՆԱՏՕ-ում Ադրբեջանի պատվիրակության ղեկավար Ջաֆար Հուսեյնզադեին։
Նա նշել է, որ նիստում Ադրբեջանը ներկայացնող Միջազգային հարաբերությունների վերլուծության կառավարման կոմիտեի անդամ Էսմիրա Ջաֆարովան ներկայացրել է Ադրբեջանի «հաջողված էներգետիկ քաղաքականությունը, ինչպես նաև տարածաշրջանային և գլոբալ առումներով էներգետիկ անվտանգության ապահովման ներդրումը»։
ՆԱՏՕ-ի կենտրոնակայան այցի շրջանակում Ադրբեջանի ներկայացուցիչը երկկողմ հանդիպումներ է ունեցել նաև ՆԱՏՕ-ի միջազգային քարտուղարության կլիմայի և էներգետիկ անվտանգության վարչության և Վիլնյուսում գտնվող Դաշինքի էներգետիկ անվտանգության կենտրոնի ղեկավարության հետ։
Էմմա Չոբանյան
