15.01.2026 | 21:29
Հեռախոսներ են ներկրել մաքսանենգ ճանապարհով. ՊԵԿ-ը՝ կոմիտեի ձերբակալված պաշտոնյաների մասին
ՀՀ-ի համար շենգեն վիզաների ազատականացման հարցում դեռևս կոնսենսուսի չենք հասել. Միրզոյան
Քաղաքականություն
05.06.2023 | 15:43
Վիզաների ազատականացման հարցը Հայաստանի և ԵՄ երկրների միջև ակտիվորեն քննարկվում է։ Շենգենյան վիզաների ազատականացման հարցում Հայաստանը ԵՄ–ի հետ կոնսենսուսի դեռևս չի հասել։ Այս մասին ԱԺ–ում տեղի ունեցող քննարկման ժամանակ 2022 թվականի արդյունքների շրջանակում անդրադառնալով եվրոպական ինտեգրման վերաբերյալ հարցին, հայտարարեց ՀՀ արտգործնախարար Արարատ Միրզոյանը։
«Վիզաների ազատականացման հարցը մեր և Եվրոպական միության անդամ հանդիսացող առանձին երկրների օրակարգերում մշտապես ակտիվորեն քննարկվում է։ Գրեթե բոլոր դեպքերում աջակցություն ենք ստանում։ ԵՄ–ի կողմից նման որոշում կայացնելու համար կոնսենսուսային դիրքորոշում է պետք, և այս թեմայի շուրջ դեռևս այդ կոնսենսուսին հասնել հնարավոր չի եղել»,– նշեց Միրզոյանը։
Հիշեցնենք, որ վիզաների ազատականացման երկխոսության բանակցությունները սկսելու վերաբերյալ քննարկումները սկսվել են դեռ 2019 թվականից, երբ ՀՀ վարչապետ Նիկոլ Փաշինյանը հանդիպել էր Եվրոպական հանձնաժողովի նախագահ Ժան-Կլոդ Յունկերի հետ։
Մանրամասները՝ տեսանյութում։
