08.10.2026 | 12:10
ԵՄ-ն ընդունեց ՀՀ-ի համար արտոնությունների փաթեթը // Սևանի ճանապարհին միկրոավտոբուս է կողաշրջվել․ ԼՈՒՐԵՐ
«Շվեդիան կատարել է իր պարտավորությունները»․ մանրամասներ Էրդողան-Ստոլտենբերգ հանդիպումից
Քաղաքականություն
04.06.2023 | 21:33
Այսօր Դոլմաբահչեի պալատում կայացած Թուրքիայի նախագահ Թայիփ Էրդողանի և ՆԱՏՕ-ի գլխավոր քարտուղար Յենս Ստոլտենբերգի հանդիպման մասին մանրամասներ է հայտնել Հյուսիսատլանտյան դաշինքի մամուլի ծառայությունը։ Ի թիվս այլ հարցերի՝ կողմերը քննարկել են ՆԱՏՕ-ին անդամակցելու Շվեդիայի հայտը:
«Ստոլտենբերգը նշել է, որ Ստոկհոլմը զգալի և կոնկրետ քայլեր է ձեռնարկել Թուրքիայի մտահոգությունները բավարարելու համար, ներառյալ Շվեդիայի սահմանադրության փոփոխությունը, սպառազինությունների էմբարգոյի դադարեցումը և ահաբեկչության դեմ պայքարի համագործակցության ակտիվացումը, այդ թվում՝ Քրդստանի աշխատավոր կուսակցության դեմ։ Նա նաև ընդգծել է, որ վերջին մի քանի օրվա ընթացքում ուժի մեջ է մտել հակաահաբեկչական նոր օրենսդրությունը, և որ Շվեդիան կատարել է իր պարտավորությունները։ Ստոլտենբերգն ասել է, որ անհամբերությամբ սպասում է Շվեդիայի անդամակցության գործընթացը հնարավորինս շուտ ավարտելուն»,- ասված է հաղորդագրությունում:
