15.09.2026 | 22:42
Պուտինի մերձավոր ռուս օլիգարխ Կրեմլյովը վճարել է Թրամփի որդու հարսանիքի ծախսերի մի մասը. ProPublica-ի հետաքննությունը
Բելգիայի վարչապետն ընկել է հեծանվից և ուշագնաց եղել
Քաղաքականություն
04.06.2023 | 16:29
Բելգիայի վարչապետ Ալեքսանդր դե Կրոն հոսպիտալացվել է հեծանիվից ընկնելու պատճառով։ Այս մասին հայտնում է RTBF-ն։
Ըստ վարչապետի գրասենյակի հայտնած տվյալների՝ դեպքը տեղի է ունեցել հունիսի 3-ին, երբ Ալեքսանդր դե Կրոն իր տնից մի քանի հարյուր մետր հեռավորության վրա որդու հետ հեծանիվ քշելիս է եղել։
«Վարչապետն ընկնելիս հարվածել է գլուխը և կորցրել գիտակցությունը։ Նրան տեղափոխել են հիվանդանոց և իրականացրել մի շարք հետազոտություններ, որոնք առանձնապես ոչինչ չեն հայտնաբերել»,- նշում է աղբյուրը։
Ավելի ուշ վարչապետը տեսանյութ է հրապարակել տանից և շնորհակալություն հայտնել մարդկանց հոգատարության համար։ «Սպորտն օգտակար է առողջության համար, բայց երբեմն պետք է մի փոքր զգույշ լինել»,- նշել է դե Կրոն։
