25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Թուրքիայի նորընտիր խորհրդարանի առաջին նիստն ուղեկցվել է Էրդողանի դեմ ընդդիմության բողոքով
Քաղաքականություն
02.06.2023 | 20:44
Թուրքիայի 28-րդ գումարման նորընտիր խորհրդարանի առաջին նիստն է գումարվել։ Այն մեկնարկել է պատգամավորների երդման արարողությամբ, գրում են տեղական լրատվամիջոցները։
«Ազգայնական շարժում» կուսակցության (MHP) առաջնորդ Դևլեթ Բահչելին, որպես խորհրդարանի ամենատարեց պատգամավոր, նախագահել է նիստը՝ որպես խոսնակի ժամանակավոր պաշտոնակատար: Նա այդ պաշտոնը կզբաղեցնի մինչեւ նոր խոսնակի ընտրությունը։
Երբ օթյակում նստած նախագահ Ռեջեփ Թայիփ Էրդողանը ողջունել է նորընտիր պատգամավորներին, իշխող ուժի պատգամավորները հոտնկայս ծափահարել են։ Գլխավոր ընդդիմադիր Ժողովրդահանրապետական (CHP), «Լավ» (İYİ) և Ժողովուրդների դեմոկրատական (HDP) կուսակցությունների պատգամավորները, սակայն, ի նշան բողոքի, ոտքի չեն կանգնել։
Հավելենք, որ վաղը՝ հունիսի 3-ին, նախանշված է Էրդողանի երդմնակալության արարողությունը, որին կմասնակցի նաև ՀՀ վարչապետ Նիկոլ Փաշինյանը։
Էմմա Չոբանյան
