06.06.2026 | 14:39
«Հանրապետություն» կուսակցությունը դեռևս որոշում չունի՝ կդիմի վարչական դատարան, թե՝ ոչ. հայտնում են, որ եռօրյա ժամկետ ունեն
Ուզում եմ ապագա սերունդներին թողնել ՀՀ «կադաստրի» լրացված և ամբողջական «վկայական»․ Փաշինյան
Քաղաքականություն
02.06.2023 | 12:58
ՀՀ վարչապետ Նիկոլ Փաշինյանը համառոտ գրառում է արել ֆեյսբուքյան պաշտոնական էջում․ «Ուզում եմ որպես ՀՀ վարչապետ հասնել մի արդյունքի, որ մեր ապագա սերունդներին թողնեմ Հայաստանի Հանրապետության «կադաստրի» լրացված և ամբողջական «վկայական»,- գրել է նա։
Հիշեցնենք, այս մասին նա խոսել էր երեկ Մոլդովայի հայ համայնքի հետ հանդիպման ժամանակ։ «Մենք խոսում ենք տարածքային ամբողջականության ճանաչման մասին և քայլ-քայլ գնում ենք»,-ասել էր Փաշինյանը: Վարչապետը հիշեցրել էր, որ վերջերս կադաստրի վկայականի հետ կապված՝ ԱԺ-ում կատարած իր հայտարարությունը բանավեճի տեղիք է տվել: «Ես շատ ուզում եմ, որ որպես ՀՀ վարչապետ հասնեմ մի արդյունքի, որ մեր ապագա սերունդներին թողնեմ Հայաստանի Հանրապետության կադաստրի լրացված և ամբողջական վկայական»,- ասաց Փաշինյանը: Ապա վարչապետը հավելել էր. «Մենք մեր կադաստրի վկայականը ձևակերպելու ճանապարհին շատ կարևոր քայլեր ենք արել, ինչ, որ վերահաստատված չէր, վերահաստատելով քայլ-քայլ գնում ենք»:
Նախքան հայ համայնքի հետ հանդիպմանը տեղի էր ունեցել հնգակողմ հանդիպումը՝ Հայաստանի վարչապետ Նիկոլ Փաշինյանի, Եվրոպական խորհրդի նախագահ Շառլ Միշելի, Ֆրանսիայի նախագահ Էմանուել Մակրոնի, Գերմանիայի կանցլեր Օլաֆ Շոլցի և Ադրբեջանի նախագահ Իլհամ Ալիևի մասնակցությամբ:
