15.01.2026 | 21:29
Հեռախոսներ են ներկրել մաքսանենգ ճանապարհով. ՊԵԿ-ը՝ կոմիտեի ձերբակալված պաշտոնյաների մասին
Դեղագործական որոշ ընկերություններ դուրս են գալիս մեր տարածաշրջանից․ Ավանեսյան․ ՏԵՍԱՆՅՈՒԹ
Տեսանյութեր
01.06.2023 | 18:22
ՀՀ ԱԺ առողջապահության հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում հունիսի 1-ին շարունակվեց «Հայաստանի Հանրապետության 2022 թվականի պետական բյուջեի կատարման մասին» հաշվետվության քննարկումը:
Քննարկվեց առողջապահության ոլորտի եկամուտների և ծախսերի կատարողականը:
Առողջապահության նախարար Անահիտ Ավանեսյանը ներկայացրեց նախարարության իրականացրած 12 ծրագրերն ու դրանց կատարողականները, որոնց շրջանակներում կյանքի է կոչվել 51 միջոցառում:
Անդրադառնալով դեղերի ապահովվածության հարցին՝ նախարարը նշեց, որ քովիդի համաճարակի ընթացքում և դրանից հետո դեղագործական բոլոր շուկաներում տեսանելի է դեղորայքի պահանջարկի աճ։
«Տեսանելի է նաև շուկաների փոփոխություն։ Դեղագործական որոշ ընկերություններ դուրս են գալիս մեր տարածաշրջանից։
Հայաստանում դեղերի ապահովվածության անվանացանկը մեզ էլ չի գոհացնում, փորձում ենք գտնել միջոցներ այս իրավիճակը շտկելու համար։ Այս խնդիրը ոչ միայն Հայաստանին է բնորոշ, այլ մեր տարածաշրջանի և մի շարք այլ երկրների» ,- նշեց Ավանեսյանը՝ վստահեցնելով՝ փորձում ենք մեղմել դեֆիցիտի հարցը։
Մանրամասները՝ տեսանյութում։
