13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Բացառվում է 29,8 հազար քառ. կմ-ից պակաս տարածքով խաղաղության պայմանագրի կնքումը. Ալեն Սիմոնյան․ ՏԵՍԱՆՅՈՒԹ
Քաղաքականություն
01.06.2023 | 13:28
«Մեզ համար կարևոր են Լեռնային Ղարաբաղի բնակչության ազատությունն ու իրավունքները, և դա սկզբունքային է: Շատ կարևոր է, որ խաղաղության պայմանագրից հետո երաշխիքներ լինեն։ Այս մասին այսօր լրագրողների հետ զրույցում ասաց ԱԺ նախագահ Ալեն Սիմոնյանը։
«Մենք տեսնում ենք, որ ունենք նոյեմբերի 9-ի փաստաթուղթ, որի բոլոր կետերն ինչ-որ չափ խախտված են ու այն երաշխավորը, այն պետությունը, որը երաշխավոր է հանդիսանում, ցավոք սրտի, ոչ բավարար կերպով է արձագանքում», – նշեց Սիմոնյանը:
«Մենք պետք է հասնենք նրան, որ Լեռնային Ղարաբաղն ու Ադրբեջանը նստեն, խոսեն, հակառակ պարագայում նույն Ադրբեջանին էլ ձեռնտու իրավիճակ չի լինի։ Կլինի մեծ բաց, որը անընդհատ, միգուցե տասնամյակների ընթացքում չի կարողանա փակել։ Եթե Ադրբեջանը չնստի, չխոսի Արցախում բնակվող հայ բնակչության հետ, այդ վերքը, մե՛ր վերքը մի օր իր պտուղները տալու է,- նշեց Սիմոնյանը։- Եթե Բաքու-Ստեփանակերտ երկխոսությունը տեղի չունենա, խնդիրը չի լուծվելու։ Այլ տարբերակը ցեղասպանությունն է, որը թույլ չենք տա։ Ադրբեջանական իշխանությունները պետք է մտածեն, որ այդ հարցն իրենց համար շատ ավելի կարևոր է, քան մեզ համար»։
ԱԺ նախագահի խոսքով՝ Հայաստանի համար սկզբունքային հարց է, որ ադրբեջանական զորքերը դուրս գան ՀՀ սուվերեն տարածքից։
Բացառվում է 29 հազար 800 քառ. կմ-ից պակաս տարածքով խաղաղության պայմանագրի կնքումը,- ընդգծեց Ալեն Սիմոնյանը։
Մանրամասները՝ տեսանյութում։
