06.06.2026 | 13:05
Հայտնի է Հայաստանի հավաքականի հայտացուցակը Ղազախստանի դեմ խաղում․ ԼՈՒՍԱՆԿԱՐ
ՆԱՏՕ-ն գաղտնի ծրագիր կներկայացնի Ռուսաստանի հետ ռազմական բախման դեպքում
Քաղաքականություն
01.06.2023 | 13:09
ՆԱՏՕ-ն գաղտնի ծրագիր է պատրաստել՝ Ռուսաստանի հետ ռազմական բախման դեպքում, գրում է Responsible Statecraft-ի սյունակագիր Յան Դևիսը։
Նրա խոսքով՝ Վիլնյուսում կայանալիք ՆԱՏՕ-ի գագաթնաժողովին կխնդրեն հաստատել «հազարավոր էջերից բաղկացած գաղտնի ռազմական պլանը», որը սառը պատերազմից հետո առաջին անգամ կմանրամասնի Ռուսաստանի հետ ուղիղ առճակատման սցենարը։
Ըստ Դևիսի՝ Բրյուսելում ՆԱՏՕ-ի կենտրոնակայանում մշտական ռազմական ներկայացուցիչներն ու դաշինքի այլ պաշտոնյաներ այս փաստաթղթերը պատրաստել են փակ դռների հետևում՝ առանց օրենսդիրների և անկախ փորձագետների նախնական ուսումնասիրության։
Հիշեցնենք, որ ՆԱՏՕ-ի գագաթնաժողովը կանցկացվի հուլիսի 11-12-ը Լիտվայի մայրաքաղաքում։
Տաթև Ֆռանգյան
