14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Ուկրաինան զգուշացնում է, որ ԵՄ-ի հացահատիկի արտահանման արգելքը կօգնի Պուտինին
Քաղաքականություն
31.05.2023 | 19:22
Չորեքշաբթի Ուկրաինան նախազգուշացրել է, որ ԵՄ որոշ երկրների կողմից հացահատիկի արտահանման արգելքն օգնում է Ռուսաստանի նախագահ Վլադիմիր Պուտինին Եվրոպան բաժանելու հարցում:
«Սահմանափակումների երկարաձգումը նշանակում է Պուտինին լրացուցիչ զենք տրամադրել ընդդեմ Եվրոպայի միասնության: Ներկայիս սահմանափակումները պետք է հանվեն»,- Guardian-ի փոխանցմամբ՝ հայտարարել է Ուկրաինայի Գյուղատնտեսության նախարարությունը։
Ուկրաինան այսպես է արձագանքել ԵՄ գյուղատնտեսության հարցերով հանձնակատար Յանուշ Վոյցեխովսկու ելույթին, որն առաջարկել է մինչև հոկտեմբերի վերջ երկարացնել հացահատիկի արտահանման արգելքը Լեհաստան, Հունգարիա, Ռումինիա, Սլովակիա և Բուլղարիա։ Հունգարիան պահանջել է երկարաձգել սահմանափակումները մինչև 2024 թվականը։
«Եթե այս փաստաթուղթը չերկարաձգվի, մենք [Եվրամիությունը] հսկայական խնդիրներ կունենանք բերքի հետ կապված, որը կկուտակվի առաջին գծի անդամ երկրներում»,- պարզաբանել է Վոյցեխովսկին։
Հինգ երկրներ նախկինում համաձայնագիր են կնքել ԵՄ-ի հետ, որը թույլ է տալիս արգելափակել հացահատիկի ներկրումն Ուկրաինայից։ Դա տեղի է ունեցել հացահատիկի գների անկումից հետո ֆերմերների բողոքի պատճառով։
Համաձայնագիրը վիճարկվել է եվրոպական 12 երկրների կողմից, ներառյալ՝ Ֆրանսիայի և Գերմանիայի, որոնք հայտարարել են, որ այն կարող է խաթարել եվրոպական միասնական շուկան:
Այս պահին ուկրաինական հացահատիկի արտահանման սահմանափակումը գործում է մինչև հունիսի 5-ը։
Տաթև Ֆռանգյան
