15.01.2026 | 23:03
Ֆուտզալի Հայաստանի հավաքականի հերթական հաղթանակը
Հայաստանում գործում է քաղաքական որոշման ինստիտուտ․ Բորիս Նավասարդյան․ ՏԵՍԱՆՅՈՒԹ
Քաղաքականություն
31.05.2023 | 16:36
Freedom House միջազգային իրավապաշտպան կազմակերպության և «Իրազեկ քաղաքացիների միավորման» ջանքերով արդեն երկրորդ տարին անընդմեջ անցկացվում է Ժողովրդավարության հայկական ֆորումը։
ֆորումի շրջանակներում այսօր տեղի ունեցավ պանելային քննարկում «ԶԼՄ կարգավորումը և դրա ազդեցությունը մամուլի ազատության վրա. հանրային շահերի կարգավորման և ԶԼՄ անկախության հնարավոր սահմանափակումների միջև եղած նուրբ սահմանի ուսումնասիրում» թեմայով:
«Հայաստանում գործում է քաղաքական որոշման ինստիտուտ․ ինչը ենթադրում է, որ կարող են ծավալվել արդյունավետ և կառուցողական քննարկումներ, բայց վերջում դրան հակառակ մի որոշում կայացվի, և դա բացատրվում է նրանով, որ կայացվել է քաղաքական որոշում։ Այսինքն՝ քաղաքական նպատակահարմարությունից ելնելով՝ կարող է կայացվել որոշում, որը կարող է չհամապատասխանել կայացած բովանդակային և լուրջ քննարկումներին։ Այս մասին քննարկման ժամանակ նշեց Երևանի մամուլի ակումբի նախագահ Բորիս Նավասարդյանը։
Հակադարձելով վարչապետ Նիկոլ Փաշինյանի այսօր հնչեցրած այն հայտարարությանը, թե Հայաստանում ժողովրդավարության հիմնական սպառնալիքներն արտաքին են, Նավասարդյանը նշեց, որ բազմաթիվ ներքին սպառնալիքներ էլ կան․ «Ինստիտուցիոնալ ժողովրդավարության մասին կարող ենք խոսել, եթե կան հստակ ընթացակարգեր, մեզանում այդ ընթացակարգերը բացակայում են»։
Երևանի մամուլի ակումբի նախագահի դիտարկմամբ՝ բացակայում է նաև ինքնակարգավորման հայեցակարգը։
Մանրամասները՝ տեսանյութում։
