14.08.2026 | 23:07
Ֆրանսիայի Սահմանադրական խորհուրդը չեղարկել է մինչև 15 տարեկանների համար սոցցանցերի արգելքը
Պեկինում Իլոն Մասկը Չինաստանի բարձրաստիճան պաշտոնյաների հետ ապագա համատեղ նախագծերն է քննարկել
Քաղաքականություն
31.05.2023 | 23:21
Tesla ընկերության գլխավոր տնօրեն Իլոն Մասկը մեկնել է Պեկին՝ քննարկելու ապագա համատեղ նախագծերը, գրում է Euronews-ը։
Նշվում է, որ այցի ընթացքում Մասկը հանդիպել է մի շարք բարձրասատիճան պաշտոնյաների, այդ թվում՝ արտաքին գործերի և արդյունաբերության նախարարների հետ։
Tesla-ն մտադիր է ընդլայնել իր գործունեությունը Չինաստանում։ Ապրիլին ընկերությունը հայտարարել էր մարտկոցների նոր գործարան կառուցելու ծրագրերի մասին:
Հաղորդվում է, որ Չինաստանի ԱԳ նախարար Ցին Գանի հետ հանդիպմանը Մասկը հանդես է եկել ԱՄՆ-ի և Չինաստանի միջև տնտեսական լարվածության թուլացման օգտին։
Իլոն Մասկի միջազգային նախաձեռնությունները կարող են Սպիտակ տան համար քննարկումների առարկա դառնալ։ Դեռևս նոյեմբերին ԱՄՆ նախագահ Ջո Բայդենը հայտարարել էր, որ Մասկի շփումներն այլ երկրների հետ «հնարավոր է՝ պետք է մանրակրկիտ ուսումնասիրել»։
Էմմա Չոբանյան
