07.10.2026 | 23:48
Արթուր Դանիելյանը կալանավորվեց
ՌԴ կառավարությունը փամփուշտների և պարկուճների արտահանման արգելք է սահմանել
Քաղաքականություն
31.05.2023 | 14:28
ՌԴ վարչապետ Միխայիլ Միշուստինը հաստատել է կառավարության որոշումը՝ երկրից քաղաքացիական և ծառայողական զենքերի, ինչպես նաև որոշակի տրամաչափի հրաձգային զենքերի պարկուճների արտահանման ժամանակավոր արգելքի մասին, գրում է BBC-ի ռուսական ծառայությունը։
Պաշտոնական պատճառը ՌԴ նախագահ Վլադիմիր Պուտինի հրամանի կատարումն է «արտաքին տնտեսական ոլորտում գործունեության հատուկ տնտեսական միջոցների մասին»։ Որոշման մեջ այլ մանրամասներ չեն նշվում։
Հաղորդվում է միայն, որ արգելքը կգործի մինչև այս տարվա վերջ։
«Արգելքը չի տարածվում Ռուսաստանի Դաշնության Զինված ուժերի, այլ զորքերի, ռազմական կազմավորումների գործունեությունն ապահովելու նպատակով փամփուշտների և պարկուճների արտահանման վրա։ Որոշումն ուղղված է պետության շահերի պաշտպանության ապահովմանը»,- ասվում է հայտարարության մեջ։
Լրատվամիջոցը նշում է, որ այսպիսով կարելի է ենթադրել, որ թույլատրվում է փամփուշտների արտահանումն Ուկրաինա, Սիրիա և Աֆրիկայի երկրներ, որտեղ գործում է ռուսական «Վագներ» մասնավոր ռազմական խմբավորումը։
Էմմա Չոբանյան
