06.06.2026 | 21:33
Կարկուտից ոչխարներ են սատկել, գառնարածը վնասվածքներ է ստացել․ արտակարգ դեպք՝ Լոռու մարզում
Ալիևը Բաքվում ԱՄՆ պետքարտուղարի օգնականի հետ էներգետիկ հարցեր է քննարկել
Քաղաքականություն
31.05.2023 | 13:42
Ադրբեջանի նախագահ Իլհամ Ալիևն ընդունել է ԱՄՆ պետքարտուղարի էներգետիկ ռեսուրսների գծով օգնական Ջեֆրի Պայետին, որը ժամանել է Բաքու՝ մասնակցելու Բաքվի էներգետիկայի շաբաթին։
«Հանդիպմանը մտքերի փոխանակություն է տեղի ունեցել տարածաշրջանի էներգետիկ անվտանգության ոլորտում Ադրբեջանի ներդրման և Ադրբեջանում վերականգնվող էներգետիկայի ոլորտի զարգացմանն ուղղված ընթացիկ նախագծերի շուրջ»,- ասվում է Ադրբեջանի նախագահականի տարածած հաղորդագրության մեջ։
Ալիևն անդրադարձել է էներգետիկ շաբաթին Պայետի մասնակցության կարևորությանը և երախտագիտություն հայտնել էներգետիկ ոլորտում Ադրբեջանի նախաձեռնություններին ԱՄՆ կառավարության մշտական աջակցության համար։ Ալիևը նշել է, որ Ադրբեջանը երկար տարիներ ակտիվորեն համագործակցում է ԱՄՆ-ի հետ էներգետիկ ոլորտում և հաջողությամբ իրականացնում լայնածավալ համատեղ նախագծեր։ Այդ կապակցությամբ Ադրբեջանի նախագահն ընդգծել է ԱՄՆ կառավարության կողմից TAP գազատարի նախագծին ցուցաբերվող աջակցությունը։
Պայետն իր հերթին «բարձր է գնահատել Ադրբեջանի դերը Եվրոպայի էներգետիկ անվտանգության ապահովման գործում»։
Նշվում է, որ զրույցի ընթացքում ընդգծվել է, որ «Ադրբեջանը կայունացնող դեր է խաղում էներգամատակարարման գործում, անդրադարձ է եղել նաև Միջին միջանցքում էներգակիրների և ոչ էներգետիկ արտադրանքի մատակարարման համար կայուն տարանցիկ և տրանսպորտային հնարավորությունների ստեղծման խնդրին»։
Էմմա Չոբանյան
