13.01.2025 | 18:26
«Մայր Հայաստան» խմբակցությունը Երևանի ավագանու արտահերթ նիստ կգումարի
Պապիկյանն ընդունել է ՀՀ-ում Ղազախստանի արտակարգ և լիազոր դեսպանին և նորանշանակ ռազմական կցորդին
Հասարակություն
31.05.2023 | 12:20
Մայիսի 31-ին ՀՀ պաշտպանության նախարար Սուրեն Պապիկյանն ընդունել է Հայաստանի Հանրապետությունում Ղազախստանի Հանրապետության արտակարգ և լիազոր դեսպան Բոլատ Իմանբաևին և Հայաստանի Հանրապետությունում Ղազախստանի Հանրապետության դեսպանության նորանշանակ ռազմական կցորդ գնդապետ Երուլան Սապենովին: Այս մասին տեղեկացնում է ՀՀ ՊՆ-ն։
Նախարարը շնորհավորել է Ե. Սապենովին ռազմական կցորդի պաշտոնին նշանակման կապակցությամբ՝ մաղթելով նրան նորանոր հաջողություններ պատասխանատու ռազմադիվանագիտական առաքելության մեջ:
Զրուցակիցները քննարկել են նաև պաշտպանական ոլորտում հայ-ղազախական համագործակցության ընթացքը և հետագա ընդլայնման ուղիները:
Քննարկվել են տարածաշրջանային անվտանգությանն առնչվող մի շարք հարցեր:
