07.10.2026 | 23:48
Արթուր Դանիելյանը կալանավորվեց
ՌԴ-ում մանկապատանեկան մրցումների ժամանակ տրիբունաները փլուզվել են․ տասնյակ տուժածներ կան
Քաղաքականություն
31.05.2023 | 16:26
ՌԴ Դոնի Ռոստով քաղաքում ֆուտբոլի մանկապատանեկան մրցումների ժամանակ մարզադաշտի տրիբունաները փլուզվել են։ Միջադեպի հետևանքով մահացել է մի կին, ևս 36 մարդ վիրավորվել է, հայտնում են ռուսական ԶԼՄ-ները։
Նշվում է, որ դեպքը տեղի է ունեցել օլիմպիական դպրոցի տարածքում։ 13 երեխա հոսպիտալացվել է, մեկ երեխայի վիճակը ծանր է։
Ռոստովի մարզի ֆիզիկական կուլտուրայի և սպորտի նախարար Սամվել Առաքելյանի խոսքով՝ «հանկարծակի փոթորիկ է բարձրացել, երեխաները թաքնվել են տրիբունաների տակ, քամու պոռթկումը շրջել է երեք տրիբունաներն ու քանդել ցանկապատը»։
ՌԴ Քննչական կոմիտեի Ռոստովի մարզի քննչական վարչությունը քրեական գործ է հարուցել անվտանգության պահանջներին չհամապատասխանող աշխատանք կատարելու և ծառայությունների մատուցման փաստի առթիվ, որն անզգուշությամբ առաջացրել է մարդու մահ։
Մարզի դատախազությունը հետաքննություն է կազմակերպել։
Տաթև Ֆռանգյան
