Տարածվող տեսանյութը, որում Էրդողանը դժվարությամբ է քայլում, կրկին բորբոքել է նրա վատ առողջական վիճակի մասին լուրերը

Էրդողանը դրոշի մոտ

Լուրեր

21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
20.11.2026 | 21:11
Թրամփը հայտարարել է, որ Պուտինը Լեհաստանի ուղղությամբ «սխալմամբ մի քանի փոքր հրթիռ է արձակել»
20.11.2026 | 21:00
Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ
20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
20.11.2026 | 20:45
Euro 4-ը, խցանումներն ու Ավինյանը․ ո՞ր մեքենաները կարող են հայտնվել սահմանափակման տակ. ՏԵՍԱՆՅՈՒԹ
Բոլորը

Թուրքիայի նախագահ Ռեջեփ Թայիփ Էրդողանի մասնակցությամբ տեսանյութը, որտեղ երևում է, թե նա ինչպես է դժվարությամբ տեղաշարժվում, ենթադրությունների տեղիք է տվել այն մասին, որ նրա առողջական վիճակը վատանում է, նաև հարցեր առաջացնում՝ արդյո՞ք նա կկարողանա ևս հինգ տարի աշխատել պետության ղեկավարի պաշտոնում, գրում է Turkish Minute-ը։

Թվիթերի թուրք օգտատերերի կողմից տարածված տեսանյութում երևում է, թե ինչպես է 69-ամյա Էրդողանն իջնում իր ծառայողական մեքենայից և դժվարությամբ քայլում՝ շրջապատված անվտանգության աշխատակիցներով և այլ մարդկանցով։ Տեսանյութը հայտնվել է կիրակի կայացած ընտրությունների երկրորդ փուլից հետո, երբ Էրդողանը հաղթեց ընդդիմության միասնական թեկնածու Քեմալ Քըլըչդարօղլուն՝ ստանալով ձայների 52,1 տոկոսը, իսկ Քըլըչդարօղլուն՝ 47,8 տոկոսը։

Նաև պնդումներ կան, որ Էրդողանը հատուկ մոդելավորված կոշիկ է հագնում, որոնք օգնում են պահպանել հավասարակշռությունը և հիմնականում նախատեսված են տարեցների համար։ Բժիշկ, պրոֆեսոր Սալիհ Քուքի խոսքով՝ Էրդողանը հավասարակշռությունը պահպանելու համար ոտքերի բրեկետներ է գործածում։ Նա Թվիթերում գրել է, որ Էրդողանի լուսանկարներում հեշտությամբ երևում են սարքերը, որոնք օգտագործվում են նաև մեջքի ցավի և կանգնելու հետ կապված խնդիրների համար։

«Նրա մարմինը լցված է մետաղական սարքերով»,- Թվիթերում գրել է ԱՄՆ-ում բնակվող վերլուծաբան և ակադեմիկոս Էմրե Ուսլուն։

Հիշեցնենք, որ նախընտրական շրջանում Kanal 7-ի և Ulke TV-ի համատեղ ուղիղ եթերում հարցազրույցի ժամանակ Էրդողանի ինքնազգացողությունը վատացել էր, ինչի պատճառով հեռարձակումը դադարեցվել էր։ Եթեր վերադառնալուն պես Էրդողանն անդրադարձել էր իր առողջական խնդիրներին՝ նշելով, որ ինտենսիվ քարոզարշավի պատճառով ստամոքսի հետ կապված խնդիրներ ունի։ Այնուհետև մի քանի օրով նա չեղարկել էր բոլոր միջացառումներն ու չէր ներկայանում հանրությանը։ Թուրքիայի առողջապահության նախարար Ֆահրեթթին Քոջան հայտարարել էր, թե Էրդողանի մոտ «գաստրոէնտերիտային վարակ» է։

Ալի Յեշիլդաղը՝ ազդեցիկ Յեշիլդաղ ընտանիքից և Էրդողանի նախկին համախոհը, այս ամսվա սկզբին մի տեսանյութում ասել էր, որ պնդումները, թե նախագահն էպիլեպսիա ունի, ճշմարիտ են՝ հավելելով, որ նրանք, որոնք տիրապետում են խստորեն պահպանվող այս գաղտնիքին, անձամբ են օգտվել Էրդողանի առատաձեռնությունից: Յեշիլդաղի խոսքով՝ Էրդողանի էպիլեպսիան էական ազդեցություն է ունեցել ինչպես նրա անձնական, այնպես էլ քաղաքական որոշումների վրա։ Նա պնդում է, որ Էրդողանը մշտապես իր վիճակի մասին տեղյակ ուղեկից է պահանջում։

Յեշիլդաղի տեսանյութերը, որոնցում նա բացահայտում է Էրդողանի և նրա մերձավոր շրջապատի մասնակցությամբ ենթադրյալ կոռուպցիոն  և ապօրինի գործողությունները, հրապարակվել են հետաքննող լրագրող Ջևհեր Գյուվենի կողմից։

Էմմա Չոբանյան