14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Պուտինը փորձել է նվազեցնել Մոսկվայի վրա ԱԹՍ-ների հարձակման նշանակությունը․ ISW
Քաղաքականություն
31.05.2023 | 17:56
Ռուսաստանի նախագահ Վլադիմիր Պուտինը փորձել է նվազեցնել Մոսկվայի և Մերձմոսկովյան շրջանի վրա անօդաչու սարքերի հարձակումների նշանակությունը, որպեսզի «ցույց չտա, թե որքան սահմանափակ են Ուկրաինայի դեմ պատասխան միջոցներ ձեռնարկելու իր հնարավորությունները»։ Այս մասին ասվում է Պատերազմի ուսումնասիրության ամերիկյան ինստիտուտի (ISW) այսօրվա զեկույցում, գրում է DW-ի ռուսական ծառայությունը։
Ըստ Պուտինի՝ Մոսկվայի վրա անօդաչու թռչող սարքերի հարձակումը «Կիևի պատասխանն էր» ռուսական օդային հարվածներին, մասնավորապես՝ Ուկրաինայի գլխավոր հետախուզական վարչության շտաբին «երկու-երեք օր առաջ»։
Ինստիտուտի վերլուծաբանները նշում են, որ, միաժամանակ, ՌԴ ՊՆ-ն հայտարարել էր «որոշումների կայացման կենտրոնական կետերին» հարվածների մասին, սակայն չէր պնդում, որ դա Ուկրաինայի ռազմական հետախուզության շտաբն է։
Ըստ ISW-ի՝ Պուտինի խոսքերի հաստատում չկա։ Ինստիտուտի փորձագետները նշում են, որ Պուտինի շեշտադրումն անցյալ և ներկա ռուսական հրթիռային հարվածներին, հավանաբար, փորձ է՝ ցույց տալու, որ Ռուսաստանը, իբր, արդեն ակտիվորեն պատասխան հարվածներ է հասցնում և կարիք չունի պատասխանել «ուկրաինական հետագա սադրանքներին»։ Նրանց կարծիքով՝ ՌԴ նախագահը հրաման է տվել զանգվածային ավիահարվածներ հասցնել Ուկրաինային, քանի որ Ռուսաստանի Զինված ուժերը չեն կարողացել ռազմաճակատում որևէ նշանակալի հաջողության հասնել։
Զեկույցում ասվում է, որ ՌԴ Պաշտպանության նախարարությունը, ամենայն հավանականությամբ, արհեստականորեն կուռճացնի պատերազմում Ուկրաինայի կորուստների թիվը՝ այդպիսով փորձելով շեղել ուշադրությունը սեփական մեծ կորուստներից։
Էմմա Չոբանյան
