16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ՄԱԳԱՏԷ-ի ղեկավարը ներկայացրել է Զապորոժիեի ԱԷԿ-ի պաշտպանության պլանը
Քաղաքականություն
31.05.2023 | 13:05
Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսսին մայիսի 30-ին ՄԱԿ-ի Անվտանգության խորհրդի նիստում ներկայացրել է Զապորոժիեի ատոմակայանի անվտանգության թարմացված ծրագիրը։ Այս մասին հայտնում է Եվրոպեյսկայա պրավդան։
Նա նշել է, որ Ուկրաինայի և Ռուսաստանի ղեկավարության հետ հանդիպումների ժամանակ առանձնացրել է կոնկրետ սկզբունքներ, «որոնք կօգնեն ապահովել Զապորոժիեի ԱԷԿ-ում միջուկային անվտանգությունը՝ կանխելու միջուկային վթարը և ապահովելու կայանի անձեռնմխելիությունը»։
Հայտարարված պլանը բաղկացած է հինգ կետից.
• ԶԱԷԿ-ի կողմից կամ դրա դեմ ցանկացած հարձակում արգելված է, մասնավորապես, այն հարձակումները, որոնք ուղղված են օգտագործված միջուկային վառելիքի պահեստավորման օբյեկտին, այլ կարևոր ենթակառուցվածքներին կամ անձնակազմին;
• ԶԱԷԿ-ը չպետք է օգտագործվի որպես ծանր զենք պահելու պահեստարան կամ հիմք;
• Զապորոժիեի ԱԷԿ-ի էլեկտրամատակարարումը չպետք է վտանգի ենթարկվի;
• կայանի անվտանգ և հուսալի շահագործման համար անհրաժեշտ բոլոր կառույցները, համակարգերը և բաղադրիչները պետք է պաշտպանված լինեն հարձակումներից կամ դիվերսիոն գործողություններից;
• չպետք է ձեռնարկել որևէ գործողություն, որը խաթարում է թվարկված սկզբունքները:
Նշվում է նաև, որ ՄԱԳԱՏԷ-ի փորձագետները, որոնք ուղղակիորեն աշխատում են Զապորոժիեի ԱԷԿ-ում, պետք է վերահսկեն ծրագրի կատարումը:
Տաթև Ֆռանգյան
