Քննարկվել է հայ-արգենտինական բազմաշերտ համագործակցության վերաբերյալ հարցերի լայն շրջանակ

Լուրեր

21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
20.11.2026 | 21:11
Թրամփը հայտարարել է, որ Պուտինը Լեհաստանի ուղղությամբ «սխալմամբ մի քանի փոքր հրթիռ է արձակել»
20.11.2026 | 21:00
Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ
20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
20.11.2026 | 20:45
Euro 4-ը, խցանումներն ու Ավինյանը․ ո՞ր մեքենաները կարող են հայտնվել սահմանափակման տակ. ՏԵՍԱՆՅՈՒԹ
Բոլորը

Հանրապետության նախագահ Վահագն Խաչատուրյանն ընդունել է Արգենտինայի Հանրապետության Սենատի Հայաստան-Արգենտինա բարեկամական խմբի նախագահ Գիժերմո Անդրադայի գլխավորած պատվիրակությանը:

Ողջունելով հյուրերին նախագահ Խաչատուրյանը նշել է. «Արգենտինան Հայաստանի Հանրապետության համար և, ընդհանրապես, հայերիս համար յուրահատուկ երկիր է: 1991 թվականից հետո, երբ Հայաստանի Հանրապետությունն անկախություն ձեռք բերեց մենք հնարավորություն ունեցանք արդեն որպես երկու երկներ դիվանագիտական հարաբերություններ հաստատել: Դա ևս մեկ խթան էր մեր հարաբերություններն այլ մակարդակով զարգացնելու համար, ինչը մենք այս տարիների ընթացքում մեծ հաջողությամբ իրականացնում ենք:

Ամենակարևորը, որ ուզում եմ ընդգծել դա այն է, որ մեր հարաբերություններում փոխվստահության մթնոլորտ կա, որն էլ օգնում է ոչ միայն երկկողմ հարաբերություններում տարբեր հարցերի լուծմանը, այլ նաև միջազգային տարբեր հարթակներում միմյանց հետ համագործակցելուն: Համոզված եմ, որ ձեր այցելությունն իր նպաստը կբերի մեր հարաբերությունների առավել զարգացման գործում: Սա, փաստորեն, մեր 31 տարվա դիվանագիտական հարաբերությունների հաստատումից ի վեր ձեր առաջին այցելությունն է՝ որպես պատգամավորական խումբ»:

Սենատոր Գիժերմո Անդրադան շնորհակալություն հայտնելով ընդունելության համար ասել է. «Այս կարճ օրերի ընթացքում, ինչ գտնվում ենք Հայաստանում մենք կարողացել ենք մեզ զգալ ինչպես տանը: Այստեղ մարդիկ մեր նկատմամբ շատ բարյացկամ և հոգատար են: Այս 31 տարիների ընթացքում մեր հարաբերությունները շարունակաբար խթանել ենք: Մեր երկու երկրների միջև հարաբերությունների հիմքերը դրվել են օրենսդրական մակարդակում, և շարունակում ենք հարաբերությունները զարգացնել առևտրային և տնտեսական մակարդակներում ևս: Մեզ համար այդքան էլ դժվար չէ այդ գործն իրականացնել, քանի որ ունենք բավականին մեծ հայ համայնք, որն ինտեգրված է մեր երկրի կյանքում և դա մեզ հնարավորություն է ընձեռում կապերի առումով գործուն լինել: Երկու կողմի դիվանագիտական կառույցները նույնպես մեզ աջակցում են, որպեսզի այս կապերն ավելի ամուր լինեն: Այդ իսկ պատճառով ևս մեկ անգամ ուզում եմ շեշտել՝ մենք ունենք բոլոր անհրաժեշտ պայմանները, որպեսզի մեր հարաբերությունները առավել զարգանան և լինեն փոխշահավետ՝ ի օգուտ մեր երկու երկրների ժողովուրդների:

Մեր դիրքորոշումը հետևյալն է՝ հայ ժողովրդի համար այս դժվարին և ճակատագրական պահին լինել հայ ժողովրդի կողքին, որպեսզի կարողանաք պաշտպանել խաղաղությունը և մարդկանց իրավունքները»:

Հանդիպման ընթացքում քննարկվել է հայ-արգենտինական բազմաշերտ համագործակցության վերաբերյալ հարցերի լայն շրջանակ: Երկուստեք շեշտվել է մշակույթի, առևտրատնտեսական կապերի և այլ ոլորտներում առկա փոխգործակցային մեծ ներուժն ու դրա իրականացման կարևորությունը: