15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
ՌԴ-ն ամրապնդվում է Սյունիքում՝ հյուպատոսարան բացելով․ կփորձեն պրոռուսական տրամադրություններ տարածել. Գարեգին Միսկարյան. ՏԵՍԱՆՅՈՒԹ
Քաղաքականություն
30.05.2023 | 21:32
Մինչ ՀՀ իշխանությունը ԱԺ ընդդիմության կողմից մեղադրվում է ՌԴ-ի հետ հարաբերությունները վատացնելու մեջ, փաստորեն, Փաշինյանի որոշմամբ` ՀՀ-ն համաձայնություն է տվել Սյունիքի մարզում ՌԴ հյուպատոսության բացմանը։ Եվ հետաքրքրական է, որ ՌԴ ՊՆ ղեկավար Շոյգուն Մինսկում ՀԱՊԿ պաշտպանության նախարարների խորհրդի նիստում բացահայտեց, թե ինչու է ՌԴ-ն ցանկանում ՀՀ-ում ՀԱՊԿ-ի ներկայություն ունենալ։ Նա մտահոգ էր, որ ՀՀ-ում ներկա են ԵՄ դիտորդները, որոնք, ըստ Շոյգուի, ՌԴ-ին ռեգիոնից հեռացնելու՝ Արևմուտքի ծրագրի մասն են կազմում։
«Ժողովրդավարական հարթակ» հիմնադրամի տնօրեն Գարեգին Միսկարյանը Factor TV-ին տված հարցազրույցում պնդում է, որ ՌԴ-ն ամրապնդվում է Սյունիքում՝ հյուպատոսարան բացելով, ինչից հետո արդեն կփորձեն պրոռուսական տրամադրություններ տարածել այդ մարզում։
«Ադրբեջանի հարձակումը ՌԴ-ի ձեռքին առիթ էր՝ ասելու՝ գանք, փրկենք ձեզ, որ ՀԱՊԿ-ին տեղակայեն հայ-ադրբեջանական սահմանին։ Բայց երբ մենք հրաժարվեցինք, նրանք արդեն հյուպատոսարան բացեցին։ ՌԴ-ի խնդիրն է՝ ՀՀ-ին ինքնիշխանությունից զրկել, մտցնել Միութենական պետություն։ Փլուզվող կայսրությանը նոր հողեր են պետք, կռիվը դրա շուրջ է։ Եթե Արևմուտքի աջակցությունը չունենայինք, վաղուց կուլ էինք գնացել ՌԴ-ին։ Մոսկվան մեզ ճորտության մեջ է պահել, որպեսզի ՀՀ-ին հեշտ լինի զրկել ինքնիշխանությունից։ Հիմա իր տեսակետից՝ պիտի զրկի ՀՀ-ին Արևմուտքի աջակցությունից, որպեսզի կարողանա Միութենական պետության մաս դարձնել։ Եվ այդ պատճառով հիմա Մոսկվան փորձում է ԵՄ-ին դուրս մղել»,- ասաց Գարեգին Միսկարյանը։
Հարցազրույցն ամբողջությամբ՝ տեսանյութում։
Ռոբերտ Անանյան
