26.06.2026 | 23:19
Վթար Շաղատ գյուղում․ վարորդը տեղում մահացել է
Շատ բան կախված է բարձրագույն ղեկավարության արձագանքից․ Կրեմլի աղբյուրները՝ Մոսկվայի վրա ԱԹՍ-ների հարձակման մասին և Կիևի արձագանքը
Քաղաքականություն
30.05.2023 | 21:15
ՌԴ նախագահի աշխատակազմին մոտ կանգնած երկու աղբյուրներ Meduza-ին հայտնել են, որ այսօր առավոտյան Մոսկվայի և Մոսկվայի շրջանի վրա անօդաչու թռչող սարքերի հարձակումը «կանխատեսելի» էր՝ այն բանից հետո, երբ մայիսի 3-ին Կրեմլի վրա երկու ԱԹՍ էր ընկել։
«Ինչ-որ բան, ամեն դեպքում, թռչում հասնում է, և ահա հասավ»,- ասել է լրատվամիջոցի աղբյուրը։
Նրա խոսքով՝ «ազդեցությունն ավելի շատ հոգեբանական է»։
«Շատ բան կախված կլինի բարձրագույն ղեկավարության արձագանքից՝ ինչպես ներկայացնել և այլն։ Վնասը դեռ սարսափելի չէ»,- ասել է Meduza-ի զրուցակիցը։
Հիշեցնենք, որ մայիսի 30-ի առավոտյան անօդաչու սարքերը հարվածել էին Մոսկվայի երեք բնակելի բարձրահարկ շենքերին։
Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը «Breakfast Show» հաղորդման եթերում մեկնաբանել էր անօդաչու թռչող սարքերի հարձակումը։
«Գիտեք՝ մենք ներքաշվում ենք դեպի արհեստական ինտելեկտի դարաշրջան: Թերևս ոչ բոլոր անօդաչու սարքերն են պատրաստ հարձակվել Ուկրաինայի վրա և ցանկանում են վերադառնալ իրենց ստեղծողների մոտ ու համապատասխան հարցեր տալ»,- ասել է նա։
Լրագրողի ուղղակի հարցին, թե Ուկրաինան կապ ունի՞ այդ ամենի հետ, նա նշել է, որ երկրում «հաճույքով հետևում են» տեղի ունեցողին և կանխատեսում հարձակումների թվի աճ, բայց «Կիևը, իհարկե, դրանց հետ անմիջական առնչություն չունի»։
Էմմա Չոբանյան
