08.10.2026 | 16:57
ՀՖՖ. Եղիշե Մելիքյանն ունի ՀՀ քաղաքացիություն
Չինաստանի ՊՆ ղեկավարը հրաժարվել է ամերիկացի գործընկերոջ հետ հանդիպումից
Քաղաքականություն
30.05.2023 | 18:09
Չինաստանը մերժել է ԱՄՆ-ի առաջարկը՝ հունիսի 2-4-ը Սինգապուրում անվտանգության ֆորումի («Շանգրի-Լա երկխոսություն») շրջանակում երկու երկրների պաշտպանության նախարարների հանդիպում անցկացնելու վերաբերյալ, հայտնում է The Wall Street Journal-ը։
Չինաստանը հրաժարվել է հանդիպումից երկու երկրների միջև հարաբերությունների սրվածության ֆոնին, երբ անցյալ օգոստոսին ԱՄՆ Ներկայացուցիչների պալատի նախկին խոսնակ Նենսի Փելոսին այցելեց Թայվանի կղզի, իսկ հետո փետրվարին ԱՄՆ-ը որոշեց խոցել չինական օդապարիկը, որը թռել էր ԱՄՆ-ի զգայուն ռազմական օբյեկտների վրայով, գրում է CNN-ը:
«ՉԺՀ-ն մայիսի սկզբին անսպասելիորեն տեղեկացրեց Միացյալ Նահանգներին, որ մերժում է պաշտպանության նախարար Օսթինի առաջարկը Չինաստանի պաշտպանության նախարար Լի Շանգֆուին՝ այս շաբաթ Սինգապուրում հանդիպելու մասին»,- ասվում է Պենտագոնի հայտարարությունում:
Հաղորդագրության մեջ ասվում է, որ ԱՄՆ պաշտպանության նախարարի գրասենյակը ռազմական շփումների մեջ ներգրավվելու մերժումն անհանգստացնող է անվանել:
Ավելի վաղ՝ մայիսին, Financial Times-ը գրել էր Չինաստանի կողմից ամերիկյան առաջարկի մերժման մասին։
Տաթև Ֆռանգյան
