13.01.2025 | 21:16
Ճապոնիայում 6,9 մագնիտուդով երկրաշարժ է տեղի ունեցել
ՌԴ-ն չի գնա բանակցությունների, քանի դեռ փորձում է հաղթել պատերազմում․ Բորել
Քաղաքականություն
30.05.2023 | 11:42
ԵՄ արտաքին գործերի և անվտանգության քաղաքականության հարցերով գերագույն հանձնակատար Ժոզեպ Բորելը կարծում է, որ Ռուսաստանը պատրաստ չի լինի բանակցել, քանի դեռ փորձում է հաղթել Ուկրաինայի պատերազմում, գրում է VOA-ն։
Նա հավելել է, որ լավատես չէ այն հարցում, թե ինչ կարող է տեղի ունենալ այս ամառ հակամարտության ընթացքում։
«Ես տեսնում եմ զորքերի կենտրոնացում երկու կողմերում և Ռուսաստանի հստակ ցանկությունը՝ փորձել հաղթել պատերազմում», – ասել է Բորելը Բարսելոնայում տեղի ունեցած միջոցառման ժամանակ: «Ռուսաստանը չի գնա բանակցությունների, քանի դեռ չի փորձել հաղթել պատերազմում»։
Բորելի այս հայտարարությունը հնչել է երկուշաբթի երեկոյան ուկրաինական ավիաբազաների ուղղությամբ և Կիևի վրա անօդաչու թռչող սարքերի և թևավոր հրթիռների հարվածներից հետո:
