16.01.2026 | 09:26
Միջպետական և հանրապետական նշանակության ավտոճանապարհները բաց են
Կիևը հայտնել է արձակված բոլոր ռուսական հրթիռները խոցելու մասին
Քաղաքականություն
29.05.2023 | 19:10
Ուկրաինայի մայրաքաղաքի վրա ցերեկային օդային հարձակման ժամանակ բոլոր թիրախները ոչնչացվել են հակաօդային պաշտպանության ուժերի կողմից, հայտարարել է Կիևի ռազմական քաղաքային վարչության ղեկավար Սերգեյ Պոպկոն, գրում է DW-ի ռուսական ծառայությունը։
Նրա խոսքով՝ գիշերային հարձակումից ընդամենը վեց ժամ անց ՌԴ-ն կրկին հրթիռային հարձակում է իրականացրել Կիևի ուղղությամբ։ Ըստ նախնական տվյալների՝ կիրառվել է բալիստիկ զենք։
«Ամսվա սկզբից սա արդեն 16-րդ հարձակումն էր մայրաքաղաքի վրա»,- հայտարարել է Պոպկոն՝ նշելով, որ ՌԴ-ն փոխել է մարտավարությունը։
«Երկար ժամանակ միայն գիշերային հարձակումներ իրականացնելուց հետո հարվածներ է հասցրել խաղաղ քաղաքին ցերեկը, երբ բնակիչների մեծ մասն աշխատավայրում կամ փողոցում է», հավելել է նա։
Ըստ Պոպկոյի՝ Կիևում որևէ օբյեկտ չի վնասվել։
«Քաղաքի տարբեր հատվածներում բեկորներ են ընկել։ Օբոլոնսկի շրջանում երեք դեպք է գրանցվել, մեկական դեպք է գրանցվել Դեսնյանսկիում և Դնեպրովսկում: Կրիտիկական վնասներ չկան: Տուժածների մասին տեղեկությունները ներկայում ճշտվում են»,- նշել է Պոպկոն:
Տաթև Ֆռանգյան
