02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Պեսկովը չի բացառել «ինչ-որ հեռանկարում» Պուտինի և Էրդողանի հանդիպումը
Քաղաքականություն
29.05.2023 | 20:20
Ռուսաստանի և Թուրքիայի ղեկավարներ Վլադիմիր Պուտինի և Ռեջեփ Թայիփ Էրդողանի անձնական հանդիպումը տեղի կունենա «ինչ-որ հեռանկարում», սակայն դրա անցկացման ժամկետի մասին հստակ պատկերացում չկա։ Այս մասին ՌԴ նախագահի մամուլի քարտուղար Դմիտրի Պեսկովն ասել է լրագրողների հետ զրույցում, գրում է ՏԱՍՍ-ը։
«Այսպես թե այնպես, ինչ-որ հեռանկարում, անշուշտ, տեղի կունենա, սակայն մինչ այժմ տեղեկություններ չկան ժամկետների մասին»,- ասել է Կրեմլի խոսնակը։
Պատասխանելով կիրակի Թուրքիայում կայացած նախագահական ընտրություններում հաղթած Էրդողանի երդմնակալության արարողությանը Պուտինի մեկնելու հնարավորության մասին հարցին՝ Պեսկովն ասել է․ «Մենք տեղյակ չենք, որ Թուրքիայում օտարերկրյա պետությունների ղեկավարների մասնակցությամբ երդմնակալություն է նախատեսված, այնտեղ նման պրակտիկա չկա, եթե ճիշտ ենք հասկանում։ Կսպասենք, դեռ հրավերներ չկան»։
Պեսկովը խոսել է նաև երկու նախագահների միջև հնարավոր հեռախոսազրուցի մասին։
«Ո՛չ, ներկայում գրաֆիկում չկա, սակայն Թուրքիայի նախագահի հետ հեռախոսազրույց համաձայնեցվում է մաքսիմալ օպերատիվ։ Իհարկե, մեծ համոզվածությամբ կարելի է ասել, որ առաջիկայում նման զրույց կկայանա»,- հավելել է Պեսկովը։
Էմմա Չոբանյան
