16.01.2026 | 13:12
Ալեն Սիմոնյանի ճեպազրույցը. ՈւՂԻՂ
Վերընտրվելուց հետո Էրդողանն առաջինը կզանգահարի Ջո Բայդենին
Քաղաքականություն
29.05.2023 | 15:05
Թուրքիայի նախագահ Ռեջեփ Թայիփ Էրդողանի մամուլի խոսնակ, գլխավոր խորհրդական Իբրահիմ Քալընը հարցազրույց է տվել թուրքական A-haber-ին՝ մասնավորապես, նշելով, որ նախագահի պաշտոնում վերընտրվելուց հետո Էրդողանը պատրաստվում է հեռախոսազրույց ունենալ ԱՄՆ նախագահ Ջո Բայդենի հետ։
«Այսօր երեկոյան սպասվում է հեռախոսազրույց ԱՄՆ նախագահ Ջո Բայդենի հետ։ Հեռախոսազրույցներ կլինեն ոչ միայն Բայդենի, այլև Ֆրանսիայի, Իսպանիայի և շատ այլ երկրների ղեկավարների հետ»,- ասել է Քալընը։
Նշենք, որ նախընտրական քարոզարշավի ամբողջ ընթացքում Էրդողանն ու իր թիմը հակաամերիկյան հայտարարություններ էին հնչեցնում։
Հավելենք նաև, որ նախօրեին ԱՄՆ նախագահ Ջո Բայդենը շնորհավորել է Էրդողանին վերընտրվելու կապակցությամբ։
Էմմա Չոբանյան
