14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
ՌԴ ՆԳՆ-ն հետախուզում է հայտարարել ամերիկացի սենատոր Լինդսի Գրեմի նկատմամբ
Քաղաքականություն
29.05.2023 | 15:51
ՌԴ ՆԳՆ-ն հետախուզում է հայտարարել ամերիկացի սենատոր Լինդսի Գրեմի նկատմամբ, հայտնում է ՌԻԱ Նովոստին։
Նշվում է, որ մայիսի 28-ին Գրեմի նկատմամբ քրեական գործ հարուցելու հանձնարարական է տվել ՌԴ Քննչական կոմիտեի ղեկավար Ալեքսանդր Բաստիրկինը։ Որպես սենատորի նկատմամբ քրեական հետապնդման պատճառ նշվել է Գրեմի «ռուսատյաց արտահայտությունները»։
«Համացանցում տարածված տեսանյութում ԱՄՆ սենատոր Լինդսի Գրեմն Ուկրաինայի նախագահի հետ հանդիպման ժամանակ հայտարարել է ՌԴ քաղաքացիների մահվան պատճառ դառնալու գործում ԱՄՆ-ի ֆինանսական մասնակցության մասին»,- ասվում է գերատեսչության մամուլի հաղորդագրությունում։
Չի նշվում, սակայն, թե կոնկրետ որ հոդվածով պետք է գործը հարուցվի։
Reuters-ը ծանոթացել է Գրեմի և Զելենսկու զրույցի ձայնագրության ամբողջական տարբերակին և պարզել, որ դրանում ռուսների մահվան և ամերիկյան ներդրումների մասին արտահայտությունները չեն հաջորդում մեկը մյուսին, ինչպես մոնտաժված կարճ տեսանյութում է ներկայացված։
Տաթև Ֆռանգյան
