06.06.2026 | 17:34
Աննախադեպ կարկուտի պատճառով Ստեփանավանի համայնքապետարանն անցել է արտակարգ ռեժիմի. հայտարարություն
Տոկաևը Միութենական պետությանը միանալու՝ Լուկաշենկոյի առաջարկը կատակ է համարում
Քաղաքականություն
29.05.2023 | 14:41
Ղազախստանի նախագահ Կասիմ Ժոմարտ Տոկաևը մեկնաբանել է Բելառուսի նախագահ Ալեքսանդր Լուկաշենկոյի հայտարարությունները ռուս-բելառուսական Միութենական պետությանը երկրի միանալու մասին, հաղորդում են ղազախական լրատվամիջոցները։
«Վերջերս Բելառուսի նախագահ Ալեքսանդր Լուկաշենկոն առաջարկել է Ղազախստանին միանալ Միութենական պետությանը: Ես ըստ արժանվույն եմ գնահատում նրա կատակը: Կարծում եմ՝ դրա կարիքը չկա, քանի որ կան այլ ինտեգրացիոն միավորումներ, առաջին հերթին՝ Եվրասիական տնտեսական միությունը։ Ինչ վերաբերում է միջուկային զենքին, ապա այն մեզ պետք չէ, քանի որ մենք միացել ենք Միջուկային զենքի չտարածման պայմանագրին և Միջուկային զենքի փորձարկումների արգելման պայմանագրին։ Մենք հավատարիմ ենք մնում միջազգային այդ փաստաթղթերի շրջանակում մեր պարտավորություններին»,- հայտարարել է Տոկաևը։
Հիշեցնենք, որ Բելառուսի նախագահ Ալեքսանդր Լուկաշենկոն առաջարկել էր Ղազախստանին և հետխորհրդային տարածքի այլ երկրներին միանալ Բելառուսի և Ռուսաստանի միությանը՝ միջուկային զենքին մոտենալու և այն օտագործելու հնարավորություն ունենալու համար։
Էմմա Չոբանյան
