14.08.2026 | 23:07
Ֆրանսիայի Սահմանադրական խորհուրդը չեղարկել է մինչև 15 տարեկանների համար սոցցանցերի արգելքը
Քիշնևում խաղաղության պայմանագիր չի ստորագրվի․ Ըստ Փաշինյանի՝ համաձայնեցված նախագիծ չկա․ ՏԵՍԱՆՅՈՒԹ
Քաղաքականություն
29.05.2023 | 13:07
Հայաստանը դեռ Վաշինգտոնի բանակցություններից առաջ Ադրբեջանին փոխանցած խաղաղության պայմանագրի շուրջ իր առաջարկների վերաբերյալ չի ստացել ադրբեջանական կողմի մեկնաբանությունները։ Այս մասին այսօր ԱԺ–ում 2022թ–ի բյուջեի կատարողականը ներկայացնելիս հայտարարեց ՀՀ վարչապետ Նիկոլ Փաշինյանը։
«Քիշնևում նախատեսված է հնգակողմ հանդիպում, քննարկում կար, թե արդյոք հնարավո՞ր է խաղաղության պայմանագիր ստորագրվի:
Եթե ճիշտ եմ հիշում՝ դա խաղաղության պայմանագրի արդեն չորրորդ խմբագրումն է: Չորրորդ խմբագրումը փոխանցել ենք, այս պահի դրությամբ դեռևս դրանց մեկնաբանությունները չենք ստացել»,– հայտարարեց վարչապետը։
Փաշինյանը վստահեցրեց, որ այս պահի դրությամբ չկա համաձայնեցված նախագիծ, որը հնարավոր կլինի ստորագրել հունիսի 1-ին Քիշնևում։
Հիշեցնենք, որ հունիսի 1-ին նախատեսվում է հնգակողմ հանդիպում Քիշնևում, որին պետք է մասնակցեն ՀՀ վարչապետ Նիկոլ Փաշինյանը, Եվրոպական խորհրդի նախագահ Շառլ Միշելը, Ֆրանսիայի նախագահ Էմանուել Մակրոնը, Գերմանիայի կանցլեր Օլաֆ Շոլցը, Ադրբեջանի նախագահ Իլհամ Ալիևը:
Մանրամասները՝ տեսանյութում։
